关于终身学习的法令

ຈຸດປະສົງ ດຳລັດສະບັບນີ້ ກຳນົດຫຼັກການ, ລະບຽບການ ແລະ ມາດຕະການ ກຽວກັບ ການຄຸ້ມຄອງ, ຕິດຕາມ, ກວດກາ, ຊຸກຍູ້ ແລະ ສົ່ງເສີມ ວຽກງານຮຽນຮູ້ຕະຫຼອດຊີວິດ ເພືອເຮັດໃຫ້ການຈັດຕັ້ງ ການຮຽນ-ການສອນ, ການປະເມີນ, ການຮັບຮູ້, ການຢັ້ງຢືນ, ການທຽບເທົ່າ ແລະ ທຽບໂອນ ຜົນການຮຽນ ທີໄດ້ຈາກການຮຽນຢູ່ໃນ ໂຮງຮຽນ, ນອກໂຮງຮຽນ ລວມທັງການສຶກສາຕາມຮອັດທະຍາໄສ ໃຫ້ມີຄວາມເປັນເອກະພາບ ແລະ ຄຸນນະພາບ ແນໃສ່ໃຫ້ພົນລະເມືອງລາວທຸກຄົນ ໄດ້ຮັບໂອກາດຍົກລະດັບການສຶກສາ, ຄວາມຮູ້, ຄວາມສາມາດ ທາງດ່ານ ວິຊາຊີບ, ຄວາມຊຳນິຊຳນານງານ ແລະ ມີຄຸນສົມບັດສິນທຳປະຕິວັດ ສາມາດເຊືອມໂຍງກັບ ພາກພື້ນ ແລະ ສາກົນ ປະກອບສວນເຂົ້າໃນການພັດທະນາເສດຖະກິດ-ສັງຄົມ ຂອງຊາດ.

ການຮຽນຮູ້ຕະຫຼອດຊີວິດ ມ ເຈ > , ແ ເ - ເ ແ ການຮຽນຮູ້ຕະຫຼອດຊີວິດ ແມນ ການສຶກສາທີປະສົມປະສານ ລະຫວາງ ການສຶກສາໃນໂຮງຮຽນ ແລະ ນອກ - ມ - + ແ ຮ - - ເຫ ມ -“ - ໂຮງຮຽນ ລວມທັງການຮຽນຮູ້ຕາມອັດທະຍາໄສ ເພືອສົ່ງເສີມໃຫ້ທຸກຄົນ ທັງຍິງ ແລະ ຊາຍ ໄດ້ຮັບການຮຽນຮູ້ ຕະຫຼອດໄລຍະທີຍັງມີຊີວິດຢູ່, ສ້າງສັງຄົມພູມປັນຍາ ຕາມຄວາມຮຽກຮ່ອງຕ້ອງການຂອງການພັດທະນາ. ແອ

ການອະທິບາຍຄຳສັບ ຄຳສັບທີ່ນຳໃຊ້ໃນດຳລັດສະບັບນີ້ ມີຄວາມໝາຍ ດັ່ງນີ້: 1. ການຮຽນຮູ້ທີ່ປັບປ່ຽນໄດ້ ໝາຍເຖິງ ຮູບແບບ ແລະ ວິທີຈັດການຮຽນ-ການສອນ ທີ່ສາມາດປັບປ່ຽນ ເວລາສຳລັບຈັດການຮຽນ-ການສອນ, ໄລຍະເວລາສຳເລັດການຮຽນ, ສະຖານທີ່ຮຽນ ແລະ ເງື່ອນໄຂອື່ນທີ່ອຳນວຍ ຄວາມສະດວກໃຫ້ຜູ້ຮຽນ; 2. ການວັດຜົນ ໝາຍເຖິງ ຂະບວນການຈັດຫາຂໍ້ມູນ ກ່ຽວກັບຜົນສຳເລັດການຮຽນ ຂອງຜູ້ຮຽນ ເພື່ອນຳໄປ ສູ່ການຕັດສິນຄຸນຄ່າ ດ້ວຍຫຼາຍວິທີການ ເຊັ່ນ: ການກວດກາ, ການທົດສອບ, ການສອບເສັງ ແລະ ອື່ນໆ ; 3. ຄູປະຈຳ ໝາຍເຖິງ ບຸກຄົນທີ່ປະຕິບັດໜ້າທີ່ສິດສອນ ຖ່າຍທອດຄວາມຮູ້ໃຫ້ຜູ້ຮຽນ ຢູ່ສະຖານການຮຽນຮູ້ ຕະຫຼອດຊີວິດ ທັງພາກລັດ ແລະ ເອກະຊົນ ໂດຍມີມາດຕະຖານ, ນາມມະຍົດ, ຕຳແໜ່ງວິຊາການຄູ, ສິດ, ໜ້າທີ່, ພັນທະ ແລະ ໄດ້ຮັບນະໂຍບາຍ ຕາມທີ່ໄດ້ກຳນົດໄວ້ໃນກົດໝາຍວ່າດ້ວຍການສຶກສາ; 4. ຄູຮັບເຊີນ ໝາຍເຖິງ ບຸກຄົນທີ່ຖືກຮັບເຊີນຈາກພາຍນອກ ທັງພາຍໃນ ແລະ ຕ່າງປະເທດ ເພື່ອມາສິດສອນ ຖ່າຍທອດຄວາມຮູ້ໃຫ້ຜູ້ຮຽນ ດ້ວຍວິທີການ ແລະ ຮູບແບບ ການສິດສອນ ທີ່ສະຖານການຮຽນຮູ້ຕະຫຼອດຊີວິດ ກຳນົດໄວ້ໃນຫຼັກສູດ ໂດຍມີມາດຕະຖານ, ນາມມະຍົດ, ຕຳແໜ່ງວິຊາການຄູ, ສິດ, ໜ້າທີ່, ພັນທະ ແລະ ໄດ້ຮັບ ນະໂຍບາຍ ຕາມທີ່ໄດ້ກຳນົດໄວ້ໃນກົດໝາຍ ແລະ ລະບຽບການທີ່ກ່ຽວຂ້ອງ; 5. ຜົນການຮຽນ ໝາຍເຖິງ ຄວາມຮູ້, ຄວາມສາມາດ, ທັກສະ ຫຼື ວຸດທິການສຶກສາ ທີ່ໄດ້ຈາກການສຶກສາໃນ ໂຮງຮຽນ, ນອກໂຮງຮຽນ ແລະ ການສຶກສາຕາມອັດທະຍາໄສ.

ນະໂຍບາຍຂອງລັດກຽວກັບວຽກງານຮຽນຮູ້ຕະຫຼອດຊີວິດ ລັດ ກຳນົດເອົາວຽກງານຮຽນຮູ້ຕະຫຼອດຊີວິດ ເປັນວຽກງານທີສຳຄັນໃນການພັດທະນາຊັບພະຍາກອນ ມະນຸດ ດ້ວຍການຊຸກຍູ້ ແລະ ສົ່ງເສີມ ໃຫ້ພົນລະເມືອງລາວທຸກຄົນ ລວມທັງຄົນທີຖືສັນຊາດລາວ ທີ່ອາໄສຢູ່ ຕ່າງປະເທດ ແລະ ຄົນທີຖືກຕັດອິດສະຫຼະພາບ ໄດ້ຮັບການບຳລຸງຍົກລະດັບທາງດ້ານຄວາມຮູ້, ຄວາມສາມາດ ແລະ ທັກສະ ດ້ວຍຮູບແບບ ແລະ ວິທີການຮຽນຮູ້ທີປັບປ່ຽນໄດ້ ຕາມສະພາບຄວາມເປັນຈິງ. ລັດ ສົ່ງເສີມ ການຮຽນຮູ້ຕະຫຼອດຊີວິດ ດ້ວຍການປະກອບບຸກຄະລາກອນ, ສະໜອງງົບປະມານ, ກໍ່ສ້າງໂຄງ ລາງພື້ນຖານ ສະຖານການຮຽນຮູ້ຕະຫຼອດຊີວິດ, ມີນະໂຍບາຍຕໍ່ຄູສອນ ແລະ ບຸກຄະລາກອນ ທີເຮັດວຽກງານຮຽນຮູ້ ຕະຫຼອດຊີວິດ ຕາມກົດໝາຍ ແລະ ລະບຽບການ. ລັດ ຊຸກຍູ້ ແລະ ສົ່ງເສີມ ໃຫ້ບຸກຄົນ, ນິຕິບຸກຄົນ ແລະ ການຈັດຕັ້ງ ທັງພາຍໃນ ແລະ ຕ່າງປະເທດ ລວມ ທັງການນຳໃຊ້ກຳລັງປ້ອງກັນຊາດ-ປ້ອງກັນຄວາມສະຫງົບ ປະກອບສວນທາງດ້ານຄວາມຮູ້ , ສະຕິປັນຍາ, ເຕັກນິກວິ ທະຍາສາດທີທັນສະໄໜ ແລະ ທຶນຮອນ ເຂົ້າໃນວຽກງານຮຽນຮູ້ຕະຫຼອດຊີວິດ ຕາມກົດໝາຍ ແລະ ລະບຽບການ.

ຫຼັກການກ່ຽວກັບວຽກງານຮຽນຮູ້ຕະຫຼອດຊີວິດ ການດຳເນີນວຽກງານຮຽນຮູ້ຕະຫຼອດຊີວິດ ໃຫ້ປະຕິບັດຕາມຫຼັກການ ດັ່ງນີ້: 1. ສອດຄ່ອງກັບແນວທາງນະໂຍບາຍ, ກົດໝາຍ, ແຜນພັດທະນາເສດຖະກິດ-ສັງຄົມແຫ່ງຊາດ ແລະ ຍຸດທະສາດການພັດທະນາຊັບພະຍາກອນມະນຸດແຫ່ງຊາດ; 2. ຮັບປະກັນໃຫ້ມີລະບົບການປະເມີນ, ຮັບຮູ້, ທຽບເທົ່າ, ທຽບໂອນ ແລະ ຢັ້ງຢືນ ຜົນການຮຽນ ລະຫວ່າງ ການສຶກສາໃນໂຮງຮຽນ, ນອກໂຮງຮຽນ ແລະ ການສຶກສາຕາມອັດທະຍາໄສ; 3. ມີລັກສະນະປັບປ່ຽນໄດ້, ຕໍ່ເນື່ອງ, ນຳໃຊ້ຫຼາຍຮູບແບບ ແລະ ສອດຄ້ອງກັບຄວາມເປັນຈິງ; 4. ຮັບປະກັນ ການປະກັນຄຸນນະພາບຕາມຂອບວຸດທິການສຶກສາແຫ່ງຊາດ ແລະ ສາມາດເຊື່ອມໂຍງເຂົ້າກັບ ພາກພື້ນ ແລະ ສາກົນ; 5. ຮັບປະກັນ ການມີສ່ວນຮ່ວມ ຂອງກະຊວງ, ອົງການ, ອົງການການປົກຄອງທ້ອງຖິ່ນ ແລະ ພາກສ່ວນອື່ນ ທີ່ກ່ຽວຂ້ອງ ກັບວຽກງານຮຽນຮູ້ຕະຫຼອດຊີວິດ; 6. ປະຕິບັດຕາມສົນທິສັນຍາ ແລະ ສັນຍາສາກົນ ທີ່ ສປປ ລາວ ເປັນພາຄີ.

ຂອບເຂດການນຳໃຊ້ດຳລັດ ດຳລັດສະບັບນີ້ ນຳໃຊ້ສຳລັບບຸກຄົນ, ນິຕິບຸກຄົນ ແລະ ການຈັດຕັ້ງ ທັງພາຍໃນ ແລະ ຕາງປະເທດ ທີເຄືອນ ໄຫວວຽກງານຮຽນຮູ້ຕະຫຼອດຊີວິດ ຢູ່ ສປປ ລາວ.

ການຮ່ວມມືສາກົນ ລັດ ສົ່ງເສີມການພົວພັນ ແລະ ຮ່ວມມື ກັບຕ່າງປະເທດ, ພາກພື້ນ ແລະ ສາກົນ ກ່ຽວກັບການພັດທະນາວຽກງານ ຮຽນຮູ້ຕະຫຼອດຊີວິດ ດ້ວຍການແລກປ່ຽນບົດຮຽນ ທາງດ້ານວິຊາການ, ຂໍ້ມູນຂ່າວສານ, ຄົ້ນຄວ້າວິທະຍາສາດ, ເຕັກໂນໂລຊີ, ການພັດທະນາຊັບພະຍາກອນມະນຸດ, ປະຕິບັດສົນທິສັນຍາ ແລະ ສັນຍາສາກົນ ທີ່ ສປປ ລາວ ເປັນພາຄີ. ໝວດທີ 2 ການຮຽນ-ການສອນໃນການຮຽນຮູ້ຕະຫຼອດຊີວິດ

ການຮຽນ-ການສອນໃນການຮຽນຮູ້ຕະຫຼອດຊີວິດ ການຮຽນ-ການສອນໃນການຮຽນຮູ້ຕະຫຼອດຊີວິດ ແມ່ນ ການຈັດການຮຽນ-ການສອນຕາມລະບົບການສຶກສາ ແຫ່ງຊາດ ໂດຍມີການຮັບປະກັນທາງຄຸນນະພາບຂອງການສຶກສາ ຕາມເນື້ອໃນຫຼັກສູດ ແລະ ມາດຕະຖານການ ທຽບເທົ່າ, ທຽບໂອນ ຜົນການຮຽນ. ການຮຽນ-ການສອນໃນການຮຽນຮູ້ຕະຫຼອດຊີວິດ ປະກອບດ້ວຍ ສາມ ຮູບແບບ ຄື: ຮູບແບບການຮຽນ- ການສອນໃນການຮຽນຮູ້ຕະຫຼອດຊີວິດ ໃນໂຮງຮຽນ, ນອກໂຮງຮຽນ ແລະ ຕາມອັດທະຍາໄສ.

ຮູບແບບການຮຽນ-ການສອນໃນການຮຽນຮູ້ຕະຫຼອດຊີວິດ ໃນໂຮງຮຽນ ຮູບແບບການຮຽນ-ການສອນ ໃນການຮຽນຮູ້ຕະຫຼອດຊີວິດ ໃນໂຮງຮຽນ ແມ່ນ ການຈັດຕັ້ງການຮຽນ-ການ ສອນ ຢູ່ໃນໂຮງຮຽນ ຢ່າງເປັນລະບົບປົກກະຕິ, ມີການກຳນົດເວລາຮຽນ ແລະ ມີເນື້ອໃນຫຼັກສູດທີ່ຖືກຕ້ອງຕາມມາດ ຕະຖານການສຶກສາແຫ່ງຊາດ . 3

ຮູບແບບການຮຽນ-ການສອນໃນການຮຽນຮູ້ຕະຫຼອດຊີວິດ ນອກໂຮງຮຽນ ຮູບແບບການຮຽນ-ການສອນໃນການຮຽນຮູ້ຕະຫຼອດຊີວິດ ນອກໂຮງຮຽນ ແມ່ນ ການຮຽນຮູ້ ຕາມການ ຮຽນ-ການສອນ ທີ່ແຕກຕ່າງຈາກການຮຽນ-ການສອນ ໃນໂຮງຮຽນ ໂດຍມີວິທີການ, ຮູບແບບ, ເວລາ ການຮຽນ- ການສອນ ແລະ ສະຖານທີ່ ຕາມເງື່ອນໄຂຄວາມສາມາດ ແລະ ຄວາມພ້ອມຂອງຜູ້ຮຽນ. ຮູບແບບການຮຽນ-ການສອນໃນການຮຽນຮູ້ຕະຫຼອດຊີວິດ ນອກໂຮງຮຽນ ມີແບບການຮຽນ-ການສອນ ດັ່ງນີ້: 1. ແບບປະຈຳທີ່ ຊຶ່ງແມ່ນການຮຽນ-ການສອນ ຢູ່ສະຖານການສຶກສານອກໂຮງຮຽນ ເປັນຕົ້ນ ສູນການສຶກສານອກໂຮງຮຽນ ປະຈຳພາກ, ຂັ້ນ ແຂວງ, ເມືອງ, ສູນການຮຽນຮູ້ຊຸມຊົນ ແລະ ສະຖານທີ່ອື່ນ ຕາມສະພາບ ແລະ ເງື່ອນໄຂຕົວຈິງ; 2. ແບບເຄື່ອນທີ່ ຊຶ່ງແມ່ນການຮຽນ-ການສອນ ທີ່ຜູ້ສອນໄປຈັດການຮຽນ-ການສອນ ໃຫ້ຜູ້ຮຽນຢູ່ສະຖານທີ່ ທີ່ເໝາະສົມ; 3. ແບບທາງໄກ ຊຶ່ງແມ່ນການຮຽນ-ການສອນ ທີ່ຜູ້ຮຽນ ແລະ ຜູ້ສອນ ບໍ່ຢູ່ໃນສະຖານທີ່ດຽວກັນ ແຕ່ຈັດ ການຮຽນ-ການສອນ ຜ່ານທາງສື່ຕ່າງໆ ເປັນຕົ້ນ ສື່ສິ່ງພິມ, ສື່ເອເລັກໂຕຣນິກຕ່າງໆ.

ຮູບແບບການຮຽນ-ການສອນໃນການຮຽນຮູ້ຕະຫຼອດຊິວິດຕາມອັດທະຍາໄສ ຮູບແບບການຮຽນ-ການສອນໃນການຮຽນຮູ້ຕະຫຼອດຊິວິດຕາມອັດທະຍາໄສ ແມ່ນ ຮູບແບບການຮຽນຕາມ ຄວາມສະໜັກໃຈຂອງຜູ້ຮຽນ ໂດຍຜ່ານ ຫຼື ບໍ່ຜ່ານການຈົດທະບຽນຮຽນ ນຳສະຖານການສຶກສາ ຊຶ່ງຜູ້ຮຽນ ເປັນຜູ້ ສົນໃຈ ຮຽນຮູ້, ຄົ້ນຄວ້າ ດ້ວຍຕົນເອງ, ຮຽນຮູ້ຈາກສະຖານການສຶກສາ ຫຼື ບຸກຄົນທີ່ມີຄວາມຮູ້ສະເພາະດ້ານ ທີ່ບໍ່ເປັນ ລະບົບ ແລະ ບໍ່ຕໍ່ເນື່ອງ ຕາມຫົວຂໍ້, ບັນຫາທີ່ຕົນສົນໃຈ, ຕາມສະພາບ ແລະ ເງື່ອນໄຂຕົວຈິງ. ການຮຽນ-ການສອນໃນການຮຽນຮູ້ຕະຫຼອດຊິວິດຕາມອັດທະຍາໄສ ມີ ດັ່ງນີ້: 1. ການຮຽນຮູ້ດ້ວຍຕົວເອງຕາມສາຍອາຊີບ ຊຶ່ງແມ່ນການຮຽນຮູ້ຕາມສາຍອາຊີບ ຂອງວຽກງານຕົນ ເປັນຕົ້ນ ການເຂົ້າຮ່ວມຝຶກອົບຮົມ, ສຳມະນາ, ທັດສະນະສຶກສາ; 2. ການຮຽນຕາມຄວາມສົນໃຈສ່ວນຕົວ ຊຶ່ງແມ່ນການຮຽນຮູ້ຕາມຄວາມມັກ, ການສະແຫວງຫາ, ຮຽນຮູ້, ສຶກສາ, ຄົ້ນຄວ້າ ສິ່ງທີ່ຕົນເອງສົນໃຈສະເພາະດ້ານໃດໜຶ່ງ; 3. ການຮຽນຮູ້ຈາກປະສົບການ ຊຶ່ງແມ່ນການຮຽນຮູ້ໂດຍຜ່ານສະພາບແວດລ້ອມ ເປັນຕົ້ນ ການຮຽນຮູ້ຈາກ ປະສົບການຕົວຈິງ, ເຫດການ ຫຼື ປະກົດການ ໃດໜຶ່ງ ທີ່ຕົນພົບພໍ່ ຫຼື ເກີດຂຶ້ນ ໃນຊີວິດປະຈຳວັນ.

ຫຼັກສູດ, ຕຳລາ ແລະ ເອກະສານ ການຮຽນຮູ້ຕະຫຼອດຊີວິດ. ການຮຽນຮູ້ຕະຫຼອດຊີວິດ ມີຫຼັກສູດ, ຕຳລາ ແລະ ເອກະສານ ນຳໃຊ້ເຂົ້າໃນການຮຽນ-ການສອນ ໂດຍສອດຄ່ອງກັບກົດໝາຍວ່າດ້ວຍການສຶກສາ. ສຳລັບການສຶກສາຕາມອັດທະຍາໄສ ນັ້ນ ບໍ່ມີຫຼັກສູດ, ຕຳລາ ແລະ ເອກະສານ ຂອງການຮຽນ-ການສອນທີ່ແນ່ນອນ.