ຂໍ້ຕົກລົງ ວ່າດ້ວຍການອະນຸມັດນຳໃຊ້ລະບົບແຈ້ງພາສີປະຕູດຽວ (ກະຊວງການເງິນ, ເລກທີ 0204/ກງ, ນະຄອນຫຼວງວຽງຈັນ)
关于批准启用单一窗口报关系统的协议（财政部，第0204/财字号，万象市）
Agreement on the Approval of the Single Window Customs Declaration System (Ministry of Finance, No. 0204/MOF, Vientiane)
ບົດສະຫຼຸບ
ລັດຖະມົນຕີວ່າການກະຊວງການເງິນ ແຫ່ງ ສປປ ລາວ ໄດ້ອະນຸມັດໃຫ້ນຳໃຊ້ລະບົບດ່ານດຽວແຫ່ງຊາດ (LNSW) ກ່ອນອື່ນໝົດທີ່ດ່ານຊາຍແດນສາກົນຂົວມິດຕະພາບ I ສຳລັບການຄຸ້ມຄອງການນຳເຂົ້າລົດ, ຫຼັງຈາກປັບປຸງແລ້ວຈຶ່ງຄ່ອຍຂະຫຍາຍໄປທົ່ວທຸກດ່ານຊາຍແດນສາກົນ, ແລະ ໄດ້ກຳນົດການຊຳລະພາສີແບບລວມສູນ, ອັດຕາຄ່າທຳນຽມ ແລະ ການມີຜົນບັງຄັບໃຊ້.
ມາດຕາ
ມາດຕາ 1
. ໃຫ້ຈັດຕັ້ງປະຕິບັດລະບົບແຈ້ງພາສີປະຕູດຽວ (Lao National Single Window, ຫຼື LNSW) ເຂົ້າໃນການຄຸ້ມຄອງການນຳເຂົ້າ ແລະ ສົ່ງອອກສິນຄ້າປະເພດຕ່າງໆ; ໂດຍໃຫ້ນຳໃຊ້ລະບົບດັງກ່າວ ເຂົ້າໃນການຄຸ້ມຄອງການນຳເຂົ້າສິນຄ້າປະເພດພາຫະນະ ຢູ່ດ່ານພາສີສາກົນຂົວມິດຕະພາບ 1 ເປັນ ບາດກ້າວເລີ່ມຕົ້ນ. ພາຍຫຼັງມີການປັບປຸງ, ພັດທະນາ ແລະ ມີຜົນສຳເລັດໃນການຈັດຕັ້ງປະຕິບັດ ຈຶງ ໃຫ້ສືບຕໍ່ຜັນຂະຫຍາຍການນຳໃຊ້ລະບົບໄປສູ່ບັນດາດ່ານພາສີສາກົນໃນຂອບເຂດທົ່ວປະເທດ .
ມາດຕາ 2
. ໃຫ້ບັນດາຂະແໜງການລັດທີ່ກ່ຽວຂ້ອງ ອອກຄຳແນະນຳກ່ຽວກັບຂັ້ນຕອນການອອກໃບອະນຸຍາດ, ການອອກໃບຢັ້ງຢືນ ແລະ ການແຈ້ງພາສີທີ່ຕິດພັນກັບຄວາມຮັບຜິດຊອບຂອງຕົນເອງໃຫ້ກະທັດຮັດ ງ່າຍດາຍ ແລະ ສອດຄ່ອງກັບກົດໝາຍ ແລະ ລະບຽບການ.
ມາດຕາ 3
. ໃຫ້ຊຳລະຄ່າພາສີ, ຄ່າອາກອນ, ຄ່າທຳນຽມ, ຄ່າບໍລິການ ແລະ ພັນທະອືນ ທີ່ຕ້ອງມອບເຂົ້າ ງົບປະມານ ລັດສຳລັບການນຳເຂົ້າ ແລະ ການສົ່ງອອກສິນຄ້າ, ເຄື່ອງຂອງ ແມ່ນໃຫ້ຊຳລະລວມສູນ ຈຸດດຽວຢູ່ດ່ານພາສີຊາຍແດນບ່ອນນຳເຂົ້າ ແລະ ສົ່ງອອກສິນຄ້າ ໂດຍຜ່ານລະບົບແຈ້ງພາສີປະຕູ ດຽວ (LNSW) ທີ່ເຊື່ອມໂຍງກັບລະບົບ ແຈ້ງພາສີດ້ວຍເອເລກໂຕຣນິກ (ASYCUDA) ແລະ ລະບົບຊຳລະເງິນຜ່ານທະນາຄານ (e-Payment).
ໜ້ານີ້ສະແດງ 3 ມາດຕາທຳອິດ ຈາກທັງໝົດ 5 ມາດຕາ. ເບິ່ງສະບັບເຕັມສາມພາສາໃນແອັບ ລາວປັນຍານິຕິ.
ເບິ່ງສະບັບເຕັມສາມພາສາ ແລະ ຄຳອະທິບາຍ AI ໃນແອັບ ລາວປັນຍານິຕິ← ໜ້າຫຼັກ ລາວປັນຍານິຕິ: ຖາມ-ຕອບກົດໝາຍ AI · ຮ່າງສັນຍາ · ແປ ຈີນ-ລາວ