ດຳລັດ ວ່າດ້ວຍ ການຄຸ້ມຄອງ ແລະ ນຳໃຊ້ຕາປະທັບ

ມາດຕາ 1

ຈຸດປະສົງ ດຳລັດສະບັບນີ້ກຳນົດຫຼັກການ, ລະບຽບການ ແລະ ມາດຕະການກ່ຽວກັບການຄຸ້ມຄອງ ແລະ ຕິດຕາມ ກວດກາ ການນຳໃຊ້ຕາປະທັບ ເພື່ອເຮັດໃຫ້ວຽກງານດັ່ງກ່າວ ມີຄວາມຖືກຕ້ອງ, ສະດວກ, ວ່ອງໄວ, ໂປ່ງໃສ ແນໃສ່ ເຮັດໃຫ້ການນຳໃຊ້ຕາປະທັບ ມີຄວາມເປັນເອກະພາບສູງ, ຮັບປະກັນຄວາມຖືກຕ້ອງ ແລະ ປອດໄພ. ມາດຕາ 2 ຕາປະທັບ ຕາປະທັບ ແມ່ນເຄື່ອງມືພິເສດ ເມື່ອຈຳລົງໃນເອກະສານແລ້ວ ສະແດງເຖິງອຳນາດ, ສິດ ແລະ ໜ້າທີ່ ຂອງອົງ ການຈັດຕັ້ງລັດ, ຕຳແໜ່ງຂອງພະນັກງານ-ລັດຖະກອນ, ອົງການຈັດຕັ້ງທາງສັງຄົມ, ອົງການຈັດຕັ້ງເສດຖະກິດ, ອົງ ການຈັດຕັ້ງສາສະໜາ ແລະ ອົງການຈັດຕັ້ງສາກົນ ທີ່ປະຕິບັດໜ້າທີ່ ຢູ່ ສປປ ລາວ ທີ່ກົດໝາຍກຳນົດ ແລະ ຢັ້ງຢືນ ຄຸນຄ່າທາງດ້ານກົດໝາຍຂອງເອກະສານ.