ຂໍ້ຕົກລົງ ຂອງເຈົ້າແຂວງສະຫວັນນະເຂດ ວ່າດ້ວຍ ການກຳນົດເຂດປະເມີນລາຄາທີ່ດິນ ແລະ ສິ່ງປຸກສ້າງ ໃນ 4 ເມືອງຂອງແຂວງສະຫວັນນະເຂດ

ມາດຕາ 1

ອຳນາດ ແລະ ໜ້າທີ່ຂອງພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ 1. ປະຕິບັດ ກົດໝາຍ ແລະ ມະຕິຕົກລົງ, ດຳລັດ, ຂໍ້ຕົກລົງ, ຄຳສັ່ງ, ແຈ້ງການ ແລະ ຄຳແນະນຳ ກ່ຽວກັບວຽກງານການຈົດທະບຽນປະເມີນລາຄາທີ່ດິນ ແລະ ສິ່ງປຸກສ້າງ; 2. ຊີ້ນຳ, ຄຸ້ມຄອງ, ຊຸກຍູ້ ການຈັດຕັ້ງປະຕິບັດວຽກງານຈົດທະບຽນທີ່ດິນທົ່ວແຂວງ 3. ຄຸ້ມຄອງ-ບໍລິຫານ, ຈັດຕັ້ງປະຕິບັດວຽກງານຂຶ້ນທະບຽນ. ຈົດທະບຽນປະເມີນລາຄາທີ່ດິນ ແລະ ສິ່ງປູກສ້າງ ໃນຂອບເຂດທົ່ວແຂວງ: 4. ໂຄສະນາ, ເຜີຍແຜ່ ຂໍ້ຕົກລົງ, ມະຕິ, ຄຳສັ່ງ ແລະ ບັນດາກົດໝາຍກ່ຽວຂ້ອງ ໃຫ້ບັນດາ ການຈັດຕັ້ງຂັ້ນແຂວງ, ເມືອງ, ຕະຫຼອດຮອດບ້ານ ປ່າງທົ່ວເຖິງກ່ຽວກັບວຽກງານຄຸ້ມຄອງການຈົດ ທະບຽນທີ່ດິນ ແລະ ສິ່ງປູກສ້າງ ແລະ ນິຕິກຳອື່ນທີ່ກ່ຽວຂ້ອງ; 5. ປະສານສົມທົບໃນການຈັດຕັ້ງປະຕິບັດວຽກງານຄຸ້ມຄອງ, ຕິດຕາມ ແລະ ກວດກາກັບພະແນກ ການກ່ຽວຂ້ອງອື່ນໆ ເປັນຕົ້ນ ພະແນກການເງິນ, ພະແນກໂຍທາທິການ ແລະ ຂົນສົ່ງ, ພະແນກ ກະສິກຳ ແລະ ປ່າໄມ້ແຂວງ ເພື່ອຮັບປະກັນຄວາມຖືກຕ້ອງສອດຄ່ອງໃນການປະຕິບັດລະບຽບການ ແລະ ກົດໝາຍທີ່ກ່ຽວຂ້ອງຕ່າງໆ: 6. ຕິດຕາມ, ກວດກາ ການຈັດຕັ້ງປະຕິບັດຂອງຫ່ວຍງານ, ເຈົ້າໜ້າທີ່ ແລະ ພະນັກງານທີ່ກ່ຽວຂ້ອງ ວຽກງານຂຶ້ນທະບຽນ, ຈົດທະບຽນປະເມີນລາຄາທີ່ດິນ ແລະ ສິ່ງປູກສ້າງ ເພື່ອສະກັດກັນປາກົດການ ຫຍໍ້ທໍ້ ກ່ຽວກັບການຈົດທະບຽນນິຕິກຳກ່ຽວກັບທີ່ດິນ ແລະ ສິ່ງປຸກສ້າງ ຕາມຂໍ້ຕົກລົງສະບັບນີ້: 7. ປະຕິບັດສິດ ແລະ ໜ້າທີ່ອື່ນໆ ຕາມທີ່ໄດ້ກຳນົດໃນລະບຽບການ ແລະ ກົດໝາຍ.