ຄຳສັ່ງ ຂອງນາຍົກລັດຖະມົນຕີ ກ່ຽວກັບ ການກວດກາ ແລະ ຄຸ້ມຄອງ ການສຳຫຼວດ, ຂຸດຄົ້ນ ແລະ ປຸງແຕ່ງ ແຮ່ຄຳຕົກຄ້ອນ
总理关于检查与管理冲积金（残积金）勘探、开采及加工的命令
Order of the Prime Minister on Inspection and Management of Alluvial Gold (Residual Gold) Exploration, Mining, and Processing
ບົດສະຫຼຸບ
ນາຍົກລັດຖະມົນຕີ ແຫ່ງ ສປປ ລາວ ໄດ້ອອກຄຳສັ່ງກ່ຽວກັບບັນຫາການຂຸດຄົ້ນຄຳຕະກັກໂດຍບໍ່ມີໃບອະນຸຍາດ ຫຼື ບໍ່ຖືກຕ້ອງຕາມມາດຕະຖານເຕັກນິກ ເຊິ່ງສົ່ງຜົນກະທົບຕໍ່ສິ່ງແວດລ້ອມ, ສັງຄົມ ແລະ ທຳລາຍຊັບພະຍາກອນທຳມະຊາດ, ສັ່ງໃຫ້ຢຸດການຂຸດຄົ້ນທີ່ຜິດກົດໝາຍທັນທີ, ຄຸ້ມຄອງການສຳຫຼວດ ແລະ ຂຸດຄົ້ນ, ອະນຸຍາດໃຫ້ຂຸດຄົ້ນສະເພາະເທິງບົກ ແລະ ຫາດຊາຍແມ່ນ້ຳ, ຫ້າມໃຊ້ສານເຄມີ, ແລະ ຮຽກຮ້ອງໃຫ້ກະຊວງພະລັງງານ ແລະ ບໍ່ແຮ່ ແລະ ອຳນາດການປົກຄອງທ້ອງຖິ່ນທຸກຂັ້ນຈັດຕັ້ງປະຕິບັດ.
ມາດຕາ
ມາດຕາ 1
ມອບໃຫ້ກະຊວງພະລັງງານ ແລະ ບໍ່ແຮ່ ຮ່ວມກັບບັນດາຂະແໜງການ, ອົງການຈັດຕັ້ງທີ່ກ່ຽວຂ້ອງສູນກາງ ແລະ ທ້ອງຖິ່ນ ກວດກາການຂຸດຄົ້ນຄຳຕະກັກຕາມທ້ອງຖິ່ນຕ່າງໆ: ຖ້າພົບເຫັນວ່າ ຢູ່ແຫ່ງໃດມີການຂຸດຄົ້ນຄຳຕະກັກໂດຍບໍ່ໄດ້ຮັບອະນຸຍາດ ຫຼື ໄດ້ຮັບອະນຸຍາດແຕ່ການດຳເນີນທຸລະກິດບໍ່ຖືກຕ້ອງຕາມເຕັກນິກ ແລະ ກົດໝາຍ ໃຫ້ຢຸດຕິທັນທີ ແລະ ດຳເນີນການແກ້ໄຂດ້ານເຕັກນິກການຊອກຄົ້ນ ແລະ ການຂຸດຄົ້ນຄືນໃໝ່ ພ້ອມທັງຮັບປະກັນບໍ່ໃຫ້ມີຜົນກະທົບທາງລົບຕໍ່ສິ່ງແວດລ້ອມ ແລະ ສັງຄົມ; ຫຼັງຈາກແກ້ໄຂຄົບຖ້ວນຕາມກົດໝາຍ ແລະ ລະບຽບການແລ້ວ ຈຶ່ງພິຈາລະນາເບິ່ງຄວາມເໝາະສົມໃນການດຳເນີນທຸລະກິດຄືນໃໝ່.
ມາດຕາ 2
ການຊອກຄົ້ນ, ສຳຫຼວດ, ຂຸດຄົ້ນ ແລະ ປຸງແຕ່ງ ຄຳຕະກອນ ແມ່ນອະນຸຍາດໃຫ້ດຳເນີນການໄດ້ສະເພາະເທິງບົກ ຫຼື ບໍລິເວນຫາດຊາຍແມ່ນ້ຳ; ຫ້າມຊອກຄົ້ນ, ສຳຫຼວດ ແລະ ຂຸດຄົ້ນ ຄຳຕະກອນ ໃນສາຍສາຂາ ຫຼື ທາງນ້ຳ.
ມາດຕາ 3
ຫຼັງຈາກໄດ້ຮັບອະນຸຍາດໃຫ້ຊອກຫາ ແລະ ສຳຫຼວດຄຳຕະກົກແລ້ວ, ຜູ້ປະກອບການຕ້ອງຈັດທຳບົດລາຍງານທາງດ້ານທໍລະນີສາດ, ປະເມີນປະລິມານສະສົມ ແລະ ຊັ້ນຄຸນນະພາບຂອງຄຳຕະກົກ; ຕ້ອງຈັດທຳແຜນການຂຸດຄົ້ນ, ບົດວິເຄາະດ້ານເສດຖະກິດ ແລະ ເຕັກນິກ, ແລະ ຮັບປະກັນວ່າບໍ່ມີຜົນກະທົບຕໍ່ສັງຄົມ ແລະ ສິ່ງແວດລ້ອມ, ເພື່ອສະເໜີຂໍໃຫ້ກະຊວງພະລັງງານ ແລະ ບໍ່ແຮ່ ພິຈາລະນາອະນຸມັດຮັບຮອງ.
ໜ້ານີ້ສະແດງ 3 ມາດຕາທຳອິດ ຈາກທັງໝົດ 8 ມາດຕາ. ເບິ່ງສະບັບເຕັມສາມພາສາໃນແອັບ ລາວປັນຍານິຕິ.
ເບິ່ງສະບັບເຕັມສາມພາສາ ແລະ ຄຳອະທິບາຍ AI ໃນແອັບ ລາວປັນຍານິຕິ← ໜ້າຫຼັກ ລາວປັນຍານິຕິ: ຖາມ-ຕອບກົດໝາຍ AI · ຮ່າງສັນຍາ · ແປ ຈີນ-ລາວ