ຄຳສັ່ງ ຂອງລັດຖະມົນຕີ ກ່ຽວກັບການຊຸກຍູ້ການຜະລິດກະສິກຳເປັນສິນຄ້າສົ່ງອອກສາທາລະນະລັດປະຊາຊົນຈີນ

ມາດຕາ 1

ມອບໃຫ້ກົມປູກຝັງ ແລະ ຂະແໜງກະສິກຳ ແລະ ປ່າໄມ້ ແຂວງ, ນະຄອນຫຼວງວຽງຈັນ ຊີ້ນຳຂະແໜງປູກຝັງ ໃຫ້ຄຸ້ມຄອງວຽກງານການຜະລິດພືດເປັນສິນຄ້າ ແລະ ຂະບວນການຜະລິດ ພາຍໃນແຂວງ ຕາມເຕັກນິກ ແລະ ລະບຽບການ; ຮວບຮວມບັນຊີລາຍຊື່ວິສາຫະກິດ ແລະ ບໍລິສັດ ທີ່ດຳເນີນກິດຈະກຳກະສິກຳ ແລະ ປ່າໄມ້; ຈົດທະບຽນການຜະລິດພືດ, ຜູ້ປູກ, ຜູ້ເກັບກ່ຽວ, ຜູ້ປຸງແຕ່ງເບື້ອງຕົ້ນ, ລວມທັງວິທີການ ແລະ ເຄື່ອງມືທີ່ໃຊ້ໃນການປຸງແຕ່ງ (ການປອກເປືອກ, ການສີ, ການອົບແຫ້ງ, ການຈັດປະເພດ, ການຄັດເລືອກ ແລະ ອື່ນໆ), ຕະຫຼອດຮອດການຂົນສົ່ງ ແລະ ການເກັບຮັກສາສິນຄ້າພືດ ເພື່ອກະກຽມເງື່ອນໄຂ ດ້ານປະລິມານ ແລະ ຄຸນນະພາບ ສຳລັບການສົ່ງອອກຜະລິດຕະພັນກະສິກຳ ໄປຍັງຕະຫຼາດຈີນ, ເຊິ່ງຕົ້ນຕໍແມ່ນ: ສາລີ, ກ້ວຍ, ມັນຕົ້ນ, ມັນຝະລັ່ງ, ເຂົ້າ, ພືດນ້ຳມັນ ແລະ ພືດອື່ນໆ ທີ່ທັງສອງຝ່າຍ ພວມສຶກສາສະເໜີ.