ຄຳສັ່ງ ຂອງລັດຖະມົນຕີ ວ່າການ ກະຊວງ ກະສິກຳ ແລະ ປ່າໄມ້ ວ່າດ້ວຍ ການປ້ອງກັນ ໄພອັນຕະລາຍ ຈາກ ຢາປາບສັດຕູພືດປອມ ແລະ ຢາປາບສັດຕູພືດ ທີ່ຫ້າມນຳໃຊ້ ໃນ ສ ປ ປ ລາວ
农林部部长关于防范假冒农药及在老挝人民民主共和国境内禁用农药危害的命令
Order of the Minister of Agriculture and Forestry on Preventing Harm from Counterfeit Pesticides and Prohibited Pesticides within the Lao People's Democratic Republic
ບົດສະຫຼຸບ
ຄຳສັ່ງນີ້ ແກ້ໄຂບັນຫາການນຳໃຊ້ຢາປາບສັດຕູພືດທີ່ມີພິດຮ້າຍແຮງທີ່ຖືກຫ້າມ ແລະ ຢາປາບສັດຕູພືດທີ່ບໍ່ໄດ້ຮັບອະນຸຍາດ ຫຼື ປອມແປງ (ບໍ່ໄດ້ມາດຕະຖານ) ທີ່ຍັງຄົງໃຊ້ຢູ່ພາຍໃນປະເທດ, ຫ້າມຢ່າງເດັດຂາດການນຳໃຊ້ຢາປາບສັດຕູພືດດັ່ງກ່າວ ແລະ ມອບໃຫ້ພະແນກກະສິກຳ ແລະ ປ່າໄມ້ແຂວງ, ນະຄອນຫຼວງ ແລະ ເຂດເສດຖະກິດພິເສດ ຮ່ວມກັບພະແນກການຄ້າ, ພາສີ ແລະ ອື່ນໆ ດຳເນີນການກວດກາ, ທຳລາຍ ແລະ ຕິດຕາມກວດກາ.
ມາດຕາ
ມາດຕາ 1
ຫ້າມໃຊ້ຢາປາບສັດຕູພືດທີ່ມີພິດຮ້າຍແຮງ (ຊັ້ນຄວາມເປັນພິດ I), ອອກລິດໄວ, ເປັນອັນຕະລາຍໂດຍກົງຕໍ່ສຸຂະພາບຜູ້ໃຊ້, ສັດລ້ຽງ, ສິ່ງແວດລ້ອມ ແລະ ມີສານຕົກຄ້າງສູງໃນຜະລິດຕະພັນກະສິກຳ. ຢາປາບສັດຕູພືດດັ່ງກ່າວລວມມີ: —— ກຸ່ມ Methyl Parathion, ຊື່ການຄ້າ: Folidol, Parathion. —— ກຸ່ມ Monocrotophos, ຊື່ການຄ້າ: Azodrin, Spektor ແລະ ອື່ນໆ.
ມາດຕາ 2
ຫ້າມນຳໃຊ້ຢາປາບສັດຕູພືດທີ່ບໍ່ໄດ້ມາດຕະຖານ, ເສື່ອມຄຸນນະພາບ ຫຼື ປອມແປງ. ຢາປາບສັດຕູພືດທີ່ຢູ່ໃນປະເພດນີ້ ແມ່ນຢາທີ່ບໍ່ໄດ້ຮັບອະນຸຍາດໃຫ້ຈົດທະບຽນ ແລະ ນຳໃຊ້ ເຊິ່ງອາດຈະເປັນປະເພດຕ່າງໆ ເຊັ່ນ: ອາກໂດຣານ (Agrodan), ເຄນຈອຍ (Kenjoy), ທີໂອດານ (Thiodan), ໂຟສ (Phos), ເມວິນໂຟສ (Mevinphos), ກຸງຟູ (Karate), ລານເນດ (Lannate), ອຳບຸດ (Ambush), ໂຕມາລອນ (Tamaron), ມານເຊບ (Manzeb), ນອກຊະຕຣິນ (Noxtrin), ມາລາໄທອນ (Malathion), ອາດເວນ (Advin), ມິບ (Mib), ຮີໂນຊານ (Hinosan), ໂຟຣິຕາກ (Foritag) ແລະ ອີກຫຼາຍຊະນິດ; ຢາປາບສັດຕູພືດດັ່ງກ່າວ ຍັງຖືກຂາຍຍ່ອຍ ແລະ ຍັງບໍ່ທັນໄດ້ຮັບການອະນຸມັດຈາກສະຖາບັນຄົ້ນຄວ້າກະສິກຳ.
ມາດຕາ 3
ມອບໃຫ້ກົມກະສິກຳ ແລະ ປ່າໄມ້ ແຂວງ, ນະຄອນຫຼວງ ແລະ ເຂດພິເສດ ຮ່ວມກັບພາກສ່ວນທີ່ກ່ຽວຂ້ອງ ເຊັ່ນ: ກົມການຄ້າ, ກົມສ່ວຍອາກອນ ເປັນຫົວໜ້າຫົວໜ່ວຍ ລົງສຳຫຼວດຊົນນະບົດ, ຈົດທະບຽນ ແລະ ສຳມະໂນປະຊາກອນຢາປາບສັດຕູພືດທຸກຊະນິດ ແລະ ການຈຳໜ່າຍ, ການເກັບຮັກສາໄວ້ໃນຮ້ານຄ້າຕ່າງໆ ໃນເຂດຮັບຜິດຊອບ. ເມື່ອພົບເຫັນຢາປາບສັດຕູພືດທີ່ຖືກຫ້າມດັ່ງກ່າວ ໃຫ້ຍຶດ ແລະ ທຳລາຍຕາມຂັ້ນຕອນເຕັກນິກ; ສຳລັບຢາທີ່ສົງໄສວ່າປອມ, ຄຸນນະພາບຕ່ຳ ແລະ ບໍ່ໄດ້ມາດຕະຖານ ໃຫ້ສົ່ງກວດວິເຄາະ. ຖ້າຜົນກວດບໍ່ໄດ້ມາດຕະຖານ ໃຫ້ທຳລາຍ; ຖ້າຍັງມີຄຸນນະພາບດີ ໃຫ້ຮັບຮອງ, ພ້ອມທັງຕັກເຕືອນ ຫຼື ດຳເນີນມາດຕະການແກ້ໄຂທີ່ເໝາະສົມ ໂດຍປະຕິບັດຕາມລະບຽບການຄຸ້ມຄອງ ແລະ ການໃຊ້ຢາປາບສັດຕູພືດຢ່າງເຂັ້ມງວດ.
ໜ້ານີ້ສະແດງ 3 ມາດຕາທຳອິດ ຈາກທັງໝົດ 4 ມາດຕາ. ເບິ່ງສະບັບເຕັມສາມພາສາໃນແອັບ ລາວປັນຍານິຕິ.
ເບິ່ງສະບັບເຕັມສາມພາສາ ແລະ ຄຳອະທິບາຍ AI ໃນແອັບ ລາວປັນຍານິຕິ← ໜ້າຫຼັກ ລາວປັນຍານິຕິ: ຖາມ-ຕອບກົດໝາຍ AI · ຮ່າງສັນຍາ · ແປ ຈີນ-ລາວ