ຂໍ້ຕົກລົງວ່າດ້ວຍ ການສົ່ງເສີມຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (ສະບັບປັບປຸງ)

ມາດຕາ ມາດຕາ 1

ມາດຕາ 2 (ປັບປຸງ) ການສົ່ງເສີມ ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ

ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ແມ່ນຫົວໜ່ວຍທຸລະກິດ ທີ່ໄດ້ຮັບການສ້າງຕັ້ງ ແລະ ເຄື່ອນໄຫວຢ່າງຖືກຕ້ອງ ຕາມກົດໝາຍ ແລະ ລະບຽບການທີ່ກ່ຽວຂ້ອງ ໂດຍກຳນົດຂະໜາດ ຕາມຈຳນວນ ແຮງງານສະເລ່ຍໃນປີ, ມູນຄ່າຊັບສິນທັງໝົດ ແລະ ລວມຍອດລາຍຮັບທຸລະກິດ ປະຈຳປີຂອງ ແຕ່ລະຂະແໜງວິສາຫະກິດ ຊຶ່ງລັດຖະບານເປັນຜູ້ກຳນົດໃນແຕ່ລະໄລຍະ;

ການສົ່ງເສີມ ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ແມ່ນການສ້າງກາລະໂອກາດ, ສ້າງເງື່ອນໄຂທີ່ເອື້ອອຳນວຍ, ໃຫ້ແກ່ປະຊາຊົນຮູ້ດຳເນີນທຸລະກິດ, ການຜະລິດເປັນສິນຄ້າ, ຮູ້ເຮັດການຄ້າ ແລະ ບໍລິການ, ຮູ້ນຳໃຊ້ເຕັກນິກວິທະຍາສາດ, ເຕັກໂນໂລຊີ ແລະ ນະວັດຕະກຳ, ຮູ້ຂໍ້ມູນຂ່າວສານການຕະຫຼາດ, ການເຂົ້າຫາແຫຼ່ງທຶນ, ການຜະລິດເປັນກຸ່ມ, ເປັນສະມາຄົມ ຫຼື ເປັນສະຫະກອນປຸງແຕ່ງເປັນສິນຄ້າ ຕອບສະໜອງໄດ້ຕາມຄວາມຮຽກຮ້ອງຕ້ອງການຂອງຕະຫຼາດ ສາມາດແຂ່ງຂັນໄດ້ ທັງພາຍໃນ ແລະ ຕ່າງປະເທດ.

ຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ຂຽນຫຍໍ້ວ່າ ຈນກ.