ຄຳແນະນຳວ່າດ້ວຍ ການປັບປຸງເງິນອຸດໜູນ ແລະ ເງິນນະໂຍບາຍຕ່າງໆ

ມາດຕາ

ສາທາລະນະລັດ ປະຊາທິປະໄຕ ປະຊາຊົນລາວ
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ
ກະຊວງການເງິນ ເລກທີ ະະງບ /ກງ
ນະຄອນຫຼວງວຽງຈັນ, ວັນທີ 9 ທັນວາ 2024

ຄຳແນະນຳ
ວ່າດ້ວຍການປັບປຸງເງິນອຸດໜູນ ແລະ ເງິນນະໂຍບາຍຕ່າງໆ

- ອີງຕາມ ດຳລັດວ່າດ້ວຍການຈັດຕັ້ງ ແລະ ການເຄື່ອນໄຫວຂອງ ກະຊວງການເງິນ (ສະບັບປັບປຸງ) ສະບັບເລກທີ 353/ນຍ, ລົງວັນທີ 2 ສິງຫາ 2024;
- ອີງຕາມ ແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 236/ຫສນຍ, ລົງວັນທີ 14 ພະຈິກ 2024;
- ອີງຕາມ ຄຳແນະນຳ ກ່ຽວກັບການຄິດໄລ່ເງິນເດືອນພື້ນຖານ ແລະເງິນອຸດໜູນຕ່າງໆ ຂອງພະນັກງານ ລັດຖະກອນ, ທະຫານ, ຕຳຫຼວດ, ພະນັກງານບຳນານ ແລະ ເສຍອົງຄະ ສະບັບເລກທີ 2924/ກາ, ລົງວັນທີ 19 ຕຸລາ 2012;
ອີງຕາມ ການສະເໜີ ຂອງກົມງົບປະມານແຫ່ງລັດ ສະບັບເລກທີ 102/ກງລ, ລົງວັນທີ 5 ມັງກອນ 2024.

ເພື່ອປະຕິບັດຕາມນະໂຍບາຍຂອງລັດຖະບານ ໃນການເພີ່ມຄ່າຄອງຊີບ ແລະ ປັບປຸງເງິນອຸດໜູນ ແລະ ເງິນນະໂຍບາຍ
ຕ່າງໆ ໃຫ້ສອດຄ່ອງ ແລະ ໃກ້ຄຽງກັບປະຈຸບັນ.

ກະຊວງການເງິນ ອອກຄຳແນະນຳ ໃນການຈັດຕັ້ງປະຕິບັດ ດັ່ງນີ້:

1. ໃຫ້ສືບຕໍ່ຈັດຕັ້ງປະຕິບັດດັດສະນີ ແລະ ໂຄງສ້າງດັດສະນີ ຕາມທີ່ໄດ້ປະຕິບັດຜ່ານມາ ໃນມູນຄ່າ 7.350 ກີບ/ດັດສະນີ
ທົ່ວລະບົບເງິນເດືອນຂອງລັດ ໃຫ້ເປັນເອກະພາບໃນຂອບເຂດທົ່ວປະເທດ;

2. ໃຫ້ປະຕິບັດນະໂຍບາຍຊ່ວຍເຫຼືອສະເພາະ ພະນັກງານ-ລັດຖະກອນ, ພະນັກງານບຳນານ ແລະ ພະນັກງານເສຍອົງຄະ ທີ່
ມີເງິນເດືອນພື້ນຖານຂັ້ນຕ່ຳຫຼຸດ 1.700.000 ກີບ, ກໍລະນີຕ່ຳກວ່າ 1.700.000 ກີບ ລັດຖະບານຊ່ວຍເຫຼືອເພີ່ມ ຕາມ
ຈຳນວນທີ່ບໍ່ພໍ;
3. ໃຫ້ຄິດໄລ່ເພີ່ມເງິນອຸດໜູນຄ່າຄອງຊີບທີ່ເປັນຜົນປະໂຫຍດອື່ນຕື່ມ 150.000 ກີບ/ຄົນ/ເດືອນ (ເພີ່ມເປັນຄັ້ງທີ 3) ລວມກັບອຸດໜູນຄ່າຄອງຊີບສອງຄັ້ງທີ່ຜ່ານມາ ເປັນຈຳນວນ 450.000 ກີບ/ຄົນ/ເດືອນ ໃຫ້ພະນັກງານ-ລັດຖະກອນ (ພະນັກງານປະຈຳການ, ພະນັກງານເຂົ້າການໃບປ 95%, ພະນັກງານໄປຮຽນຕໍ່ພາຍໃນ-ຕ່າງປະເທດ ຕາມນະໂຍບາຍຂອງລັດຖະບານ), ຄູນິດຈະພັດ, ທະຫານ, ຕຳຫຼວດ, ພະນັກງານບຳນານ, ເສຍອົງຄະ ແລະ 5 ເປົ້າໝາຍທີ່ນອນໃນລະບົບປະກັນສັງຄົມພາກລັດ ຄື: ເສຍອົງຄະຮາກຖານ, ບຳນານຄືນ, ສະມາຊິກຄອບຄົວ, ຜູ້ດູແລຕາມກົດໝາຍ ແລະ ຜູ້ດູແລຜູ້ເສຍອົງຄະພິເສດ ປະຕິບັດເອກະພາບໃນຂອບເຂດທົ່ວປະເທດ;

4. ປັບປຸງ ເງິນອຸດໜູນ ຕຳແໜ່ງບໍລິຫານປະເພດຕ່າງໆ ແລະ ວິຊາການ ຂອງພະນັກງານ-ລັດຖະກອນ ດ້ວຍການໂຮມເອົາເງິນອຸດໜູນນ້ຳມັນບຸກຄົນ, ເງິນອຸດໜູນຄ່າໂທລະສັບ (ຕຳແໜ່ງປະເພດ 1, 2 ແລະ 3) ແລະ ຄ່າໃຊ້ຈ່າຍໃນການຊື້
ປຶ້ມ, ບິກ, ສໍ, ໄມ້ບັນທັດ ແລະ ອື່ນໆ ທີ່ເປັນໃຊ້ສ່ວນບຸກຄົນ ທີ່ເຄີຍປະຕິບັດຢູ່ລາຍຈ່າຍບໍລິຫານຜ່ານມາ ລວມເຂົ້າເປັນເງິນອຸດໜູນດຽວ ເພື່ອເບີກຈ່າຍລວມສູນ ຢູ່ໃນໂຄງສ້າງເງິນເດືອນຂອງລັດຖະກອນ ທີ່ກຳນົດໃໝ່ ດັ່ງນີ້:

1) ຕຳແໜ່ງບໍລິຫານ ປະເພດ 1 ຈຳນວນ 1.200.000 ກີບ/ຄົນ/ເດືອນ
2) ຕຳແໜ່ງບໍລິຫານ ປະເພດ 2 ຈຳນວນ 1.000.000 ກີບ/ຄົນ/ເດືອນ
3) ຕຳແໜ່ງບໍລິຫານ ປະເພດ 3 ຈຳນວນ 850.000 ກີບ/ຄົນ/ເດືອນ
4) ຕຳແໜ່ງບໍລິຫານ ປະເພດ 4 ຈຳນວນ 550.000 ກີບ/ຄົນ/ເດືອນ
5) ຕຳແໜ່ງບໍລິຫານ ປະເພດ 5 ຈຳນວນ 450.000 ກີບ/ຄົນ/ເດືອນ
6) ຕຳແໜ່ງບໍລິຫານ ປະເພດ 6 ຈຳນວນ 400.000 ກີບ/ຄົນ/ເດືອນ
7) ຕຳແໜ່ງບໍລິຫານ ປະເພດ 7 ຈຳນວນ 350.000 ກີບ/ຄົນ/ເດືອນ
8) ຕຳແໜ່ງບໍລິຫານ ປະເພດ 8 ຈຳນວນ 300.000 ກີບ/ຄົນ/ເດືອນ
9) ວິຊາການ ຈຳນວນ 200.000 ກີບ/ຄົນ/ເດືອນ
ສຳລັບການປະຕິບັດເງິນອຸດໜູນຕຳແໜ່ງຂອງທະຫານ, ຕຳຫຼວດ ໃຫ້ສືບຕໍ່ປະຕິບັດຕາມ ອັດຕາເກົ່າທີ່ໄດ້ຈັດຕັ້ງປະຕິບັດ ໃນໄລຍະຜ່ານມາ.

ປັບປຸງ ເງິນອຸດໜູນອາຍຸການ

ປະຕິບັດເງິນອຸດໜູນອາຍຸການໃຫ້ພະນັກງານ-ລັດຖະກອນ, ທະຫານ, ຕຳຫຼວດ, ພະນັກງານບຳນານ, ເສຍອົງຄະ, ບຳນານຄືນ ແລະ ສະມາຊິກຄອບຄົວ ຂອງທຸກໄລຍະປີການ, ລະອຽດ ດັ່ງນີ້:

1) ໄລຍະປີການ ແຕ່ 1 - 5 ປີ ຈາກ 2.500 ກີບ ເພີ່ມເປັນ 5.000 ກີບ/1 ປີການ
2) ໄລຍະປີການ ແຕ່ 6 - 15 ປີ ຈາກ 5.000 ກີບ ເພີ່ມເປັນ 10.000 ກີບ/1 ປີການ
3) ໄລຍະປີການ ແຕ່ 16 - 25 ປີ ຈາກ 7.500 ກີບ ເພີ່ມເປັນ 15.000 ກີບ/1 ປີການ
4) ໄລຍະປີການ ແຕ່ 26 ປີຂຶ້ນໄປ ຈາກ 10,000 ກີບ ເພີ່ມເປັນ 20.000 ກີບ/1 ປີການ

ປັບປຸງ ເງິນນະໂຍບາຍລູກ ຂອງພະນັກງານ-ລັດຖະກອນ, ທະຫານ, ຕຳຫຼວດ, ພະນັກງານບຳນານ ແລະ ບຳນານຄືນ
ຈາກ 37.240 ກີບ/ຄົນ/ເດືອນ ເພີ່ມເປັນ 100.000 ກີບ/ຄົນ/ເດືອນ;

ປັບປຸງ ການປະຕິບັດເງິນນະໂຍບາຍເມຍ ຂອງພະນັກງານ-ລັດຖະກອນ, ທະຫານ, ຕຳຫຼວດ ຈາກ 29.400 ກີບ/ຄົນ/ເດືອນ ເພີ່ມເປັນ 100.000 ກີບ/ຄົນ/ເດືອນ;

ປັບປຸງ ເງິນອຸດໜູນວິຊາຊີບຂອງ ທະຫານ, ຕຳຫຼວດ ຈາກ 15% ເພີ່ມຂຶ້ນເປັນ 30% ຂອງເງິນເດືອນພື້ນຖານຕາມຊັ້ນ;

ບັນດາເງິນອຸດໜູນ ແລະ ເງິນນະໂຍບາຍຕ່າງໆ ທີ່ບໍ່ໄດ້ປັບປຸງໃນຄຳແນະນຳສະບັບນີ້ ໃຫ້ສືບຕໍ່ຈັດຕັ້ງປະຕິບັດຕາມຄຳແນະນຳ ສະບັບເລກທີ 2924/ກາ, ລົງວັນທີ 19 ຕຸລາ 2012 ແລະ ນິຕິກຳອື່ນໆ ທີ່ໄດ້ຮັບຮອງ ແລະ ປະກາດໃຊ້ ໄລຍະຜ່ານມາ;

ໃຫ້ບັນດາທ່ານ ລັດຖະມົນຕີ, ຫົວໜ້າອົງການທຽບເທົ່າກະຊວງ, ເຈົ້າຄອງນະຄອນຫຼວງວຽງຈັນ, ບັນດາທ່ານ ເຈົ້າແຂວງ, ຂະແໜງການເງິນ ແລະ ຂະແໜງການກ່ຽວຂ້ອງ ໃນທົ່ວປະເທດ ຈົ່ງຮັບຮູ້ ແລະ ເປັນເຈົ້າການ ຈັດຕັ້ງປະຕິບັດ ຄຳແນະນຳ
ສະບັບນີ້ໃຫ້ສຳເລັດ ແລະ ມີປະສິດທິຜົນ; ໃນການຈັດຕັ່ງປະຕິບັດຕົວຈິງຖ້າເຫັນວາມີຂໍ້ຫຍຸ້ງຍາກ ຫຼື ບໍ່ສອດຄອງ ໃຫ້ຮີບຮ້ອນລາຍງານມາຍັງກະຊວງການເງິນ;

ຄຳແນະນຳ ສະບັບ ນີ້ມີຜົນສັກສິດ ແລະ ເລີມຈັດຕັ້ງປະຕິບັດ ແຕວັນທີ 1 ມັງກອນ 2025 ເປັນຕົ້ນໄປ