ຄຳສັ່ງວ່າດ້ວຍ ການຢຸດຕິການສຳຫຼວດ, ການຂຸດຄົ້ນໄມ້, ທ້ອນໂຮມໄມ້ ໃນທົ່ວແຂວງ ອັດຕະປື

ມາດຕາ

ສາທາລະນະລັດ ປະຊາທິປະໄຕ ປະຊາຊົນລາວ
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ

ແຂວງອັດຕະປື ເລກທີ. ະ. ບູ / ທະ /ຈຂອປ

ຄຳສັ່ງ
ວ່າດ້ວຍການຢຸດຕິການສຳຫຼວດ,
ການຂຸດຄົນໄມ້, ທ້ອນໂຮມໄມ້ ໃນທົ່ວແຂວງອັດຕະປື

- ອີງຕາມ ກົດໝາຍວ່າດ້ວຍການປົກຄອງທ້ອງຖິ່ນ (ສະບັບປັບປຸງ) ສະບັບເລກທີ 68/ສພຊ , ລົງວັນທີ 14 ທັນວາ 2015, ພາກທີ 1, ມາດຕາ 20 ວ່າດ້ວຍສິດ ແລະ ຫ້າທີ່ຂອງເຈົ້າແຂວງ, ເຈົ້າຄອງນະຄອນຫຼວງ;
- ອີງຕາມ ກົດໝາຍວ່າດ້ວຍປ່າໄມ້ (ສະບັບປັບປຸງ) ສະບັບເລກທີ 64/ສພຊ, ລົງວັນທີ 13 ມິຖຸນາ 2019;
- ອີງຕາມ ມະຕິກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 10 ສະໄໝທີ 5;
- ອີງຕາມ ຫັງສືສະເໜີຂອງພະແນກກະສິກຳ ແລະ ປ່າໄມ້ ສະບັບເລກທີ 0150/ກປຂ.ອປ, ລົງວັນທີ 23 ມັງກອນ 2024.

ເຈົ້າແຂວງ ອອກຄຳສັ່ງ:
ຫ້າມຢຸດຕິທຸກການເຄື່ອນໄຫວທັງໝົດກ່ຽວກັບການສຳຫຼວດ, ການຂຸດຄົ້ນໄມ້, ທ້ອນໂຮມໄມ້ ໃນທົ່ວແຂວງອັດຕະປື;
ກໍລະນີມີແຈ້ງການຂອງລັດຖະບານ ຫຼື ອົງການຈັດຕັ້ງຂັ້ນສູນກາງ (ເຈົ້າແຂວງຈະມອບໝາຍໃຫ້ພາກສ່ວນທີ່ກ່ຽວຂ້ອງຂອງແຂວງ, ເມືອງ, ສະມາຊິກສະພາປະຊາຊົນແຂວງ ລົງກວດກາ ແລະ ປະເມີນຄືນໃຫ້ລະອຽດ ແລ້ວລາຍງານໃຫ້ການນຳຂອງແຂວງມີທິດຊີ້ນຳໃນການຈັດຕັ້ງປະຕິບັດ, ຖ້າບໍ່ສົມເຫດສົມຜົນ ແມ່ນຈະໄດ້ລາຍງານຄືນໃຫ້ຂັ້ນເທິງເພື່ອຢຸດຕິ);
ບໍ່ອະນຸຍາດໃຫ້ບຸກຄົນ, ນິຕິບຸກຄົນ ແລະ ການຈັດຕັ້ງດຳເນີນການສຳຫຼວດ, ການຂຸດຄົ້ນໄມ້, ທ້ອນໂຮມໄມ້ ຢູ່ໃນ ແລະ ນອກ 3 ປະເພດປ່າໃນທົ່ວແຂວງອັດຕະປື ໂດຍບໍ່ໄດ້ຮັບອະນຸຍາດຈາກລັດຖະບານ ແລະ ອຳນາດການປົກຄອງແຂວງອັດຕະປື; ຖ້າເຫັນວ່າມີການລະເມີດຄຳສັ່ງສະບັບນີ້ ມອບໃຫ້ອຳນາດການປົກຄອງແຕ່ລະຂັ້ນ ປະຕິບັດມາດ
ຕະການຢ່າງເຂັ້ມງວດຕໍ່ຜູ້ລະເມີດຕາມລະບຽບກົດໝາຍ;
ມອບໃຫ້ພະແນກກະສິກຳ ແລະ ປ່າໄມ້ແຂວງ ສົມທົບກັບຂະແໜງການກ່ຽວຂ້ອງ, ອຳນາດການປົກຄອງ 05 ເມືອງ,
ບ້ານ, ຫ້ອງການກະສິກຳ ແລະ ປ່າໄມ້ເມືອງ ເຜີຍແຜ່, ເຊື່ອມຊຶມລະບຽບ, ກົດໝາຍ, ປະຕິບັດຄຳສັ່ງສະບັບນີ້ຢ່າງເຂັ້ມ
ງວດ ແລະ ດຳເນີນການຕິດຕາມ, ກວດກາ ຕາມພາລະບົດບາດ, ສິດ, ໜ້າທີ່ຂອງຕົນຢ່າງເຂັ້ມງວດ; ພ້ອມທັງດຳເນີນ
ການສຳຫຼວດ, ຈັດສັນ ແລະ ວາງແຜນຟື້ນຟູປ່າທີ່ຊຸດໂຊມ ແລະ ປ່າທີ່ຖືກບຸກລຸກ ຄືນ ໄປຕາມທິດຫັນເປັນເສດຖະກິດ
ສີຂຽວໃນຕໍ່ໜ້າ ແລະ ຍາວນານ;
ມອບໃຫ້ພະແນກກະສິກຳ ແລະ ປ່າໄມ້ແຂວງ (ກອງກວດກາປ່າໄມ້) ປະສານສົມທົບກັບຂະແໜງການກ່ຽວຂ້ອງ,
ເມືອງ ເພີ່ມທະວີຄວາມເຂັ້ມງວດໃນການຕິດຕາມ, ກວດກາພຶດຕິກຳຂອງບຸກຄົນ ແລະ ນິຕິບຸກຄົນ ແລະ ການຈັດຕັ້ງທີ່ມີ
ພຶດຕິກຳລະເມີດກົດໝາຍວ່າດ້ວຍປ່າໄມ້, ທີ່ດິນປ່າໄມ້ ແລະ ຊັບພະຍາກອນປ່າໄມ້ ທີ່ບໍ່ໄດ້ຮັບອະນຸຍາດ ແມ່ນໃຫ້ທຸກພາກສ່ວນ, ອົງການຈັດຕັ້ງລັດທຸກຂັ້ນ ເຮັດການສຶກສາອົບຮົມ ແລະ ມີມາດຕະການຢ່າງເດັດຂາດຕໍ່ຜູ້ກະທຳຜິດຕາມລະບຽບກົດໝາຍ;

5. ຄຳສັ່ງສະບັບນີ້ມີຜົນສັກສິດນັບແຕ່ວັນລົງລາຍເຊັນເປັນຕົ້ນໄປ. ບັນດາຄຳສັ່ງ, ຂໍ້ຕົກລົງ, ແຈ້ງການ ແລະ ນິຕິກຳຕ່າງໆ ທີ່ໄດ້ອະນຸມັດຜ່ານມາເຊິ່ງມີເນື້ອໃນຂັດກັບຄຳສັງສະບັບນີ້ ລ້ວນແຕ່ຖືກລົບລ້າງ;

ເຈົ້າແຂວງ
ພົກ ວັນທອງ ກອງມະນີ

ບ່ອນນຳສົ່ງ:
- ທ່ານ ເຈົ້າແຂວງ, ຮອງເຈົ້າແຂວງ ທ່ານ ລະ 1 ສະບັບ;
- ຫ້ອງການກະຊວງກະສິກຳ ແລະ ປ່າໄມ້ 1 ສະບັບ;
- ຫ້ອງວ່າການແຂວງ 1 ສະບັບ;
- ອົງການກວດກາລັດແຂວງ 1 ສະບັບ;
- ເລຂາທິການສະພາປະຊາຊົນແຂວງ 1 ສະບັບ;
- ພະແນກການກ່ຽວຂ້ອງ 1 ສະບັບ;
- ເຈົ້າເມືອງ 5 ຕົວເມືອງ 1 ສະບັບ;
- ເກັບຮັກສາໄວ້ 1 ສະບັບ.