ຄຳສັ່ງວ່າດ້ວຍ ການຢຸດຕິການຂຸດຄົ້ນແຮ່ຄຳຕົກຂ້ອນຢູ່ພາຍໃນແຂວງ ອັດຕະປື

ມາດຕາ

ສາທາລະນະລັດ ປະຊາທິປະໄຕ ປະຊາຊົນລາວ
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ
ແຂວງ ອັດຕະປື ເລກທີ: 02/ຈຂອປ

ອັດຕະປື, ວັນທີ: 7 ກັນຍາ 2022
ຄຳສັ່ງ
ວ່າດ້ວຍການຢຸດຕິການຂຸດຄົ້ນແຮ່ຄຳຕົກຂ້ອນຢູ່ພາຍໃນແຂວງ ອັດຕະປື.

- ອີງຕາມ ກົດໝາຍວ່າດ້ວຍການປົກຄອງທ້ອງຖິ່ນ (ສະບັບປັບປຸງ) ສະບັບເລກທີ 68/ສພຊ, ລົງວັນທີ 14 ທັນວາ 2015
ໝວດທີ 1 ມາດຕາ 20 ວ່າດ້ວຍສິດ ແລະ ໜ້າທີ່ຂອງເຈົ້າແຂວງ, ເຈົ້າຄອງນະຄອນ.

- ອີງຕາມ ກົດໝາຍວ່າດ້ວຍແຮ່ທາດ ສະບັບປັບປຸງ ສະບັບເລກທີ 31/ສພຊ, ລົງວັນທີ 3 ພະຈິກ 2017.
- ອີງຕາມ ມະຕິກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 10 ສະໄໝທີ 10.

ເຈົ້າແຂວງອອກຄຳສັ່ງ:

1. ໃຫ້ຢຸດຕິທຸກການເຄື່ອນໄຫວທັງໝົດກ່ຽວກັບການຂຸດຄົ້ນແຮ່ຄຳຕົກຂ້ອນ ຕາມແຈ້ງການຂອງຫ້ອງວ່າການ
ສຳນັກງານນາຍົກລັດຖະມົນຕີ ສະບັບເລກທີ 642/ຫສນຍ, ລົງວັນທີ 20 ເມສາ 2023 ຈົນກວາຈະມີຄຳສັ່ງຈາກຂັ້ນເທິງ;

2. ຫ້າມບຸກຄົນ, ນິຕິບຸກຄົນ ແລະ ການຈັດຕັ້ງດຳເນີນກິດຈະການຂຸດຄົ້ນແຮ່ຄຳຕົກຂ້ອນຢູ່ຕາມລຳເຊ ແລະ ຫ້ວຍຮອງໃນຂອບເຂດທົ່ວແຂວງ ອັດຕະປື ໂດຍບໍ່ໄດ້ຮັບອະນຸຍາດຈາກລັດຖະບານແຫ່ງ ສປປ ລາວ ແລະ ອົງການປົກຄອງແຂວງ ອັດຕະປື, ຖ້າຫາກວ່າມີການລະເມີດໃຫ້ປະຕິບັດມາດຕະການຢ່າງເຂັມງວດຕໍ່ຜູ້ກະທຳຜິດ ຕາມແຕ່ລະກໍລະນີ;

3. ມອບໃຫ້ພະແນກພະລັງງານ ແລະ ບໍ່ແຮ່ແຂວງ ເປັນໃຈກາງໃນການປະສານງານ ສົມທົບ ກັບພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ, ອຳນາດການປົກຄອງເມືອງ 05 ຕົວເມືອງ ແລະ ພາກສ່ວນທີ່ກ່ຽວຂ້ອງ ດຳເນີນການກວດກາ, ສຶກສາອົບຮົມ, ຢຸດຕິ ແລະ ມີມາດຕະການເດັດຂາດ ຕໍ່ຜູ້ກະທຳຜິດ ຕາມລະບຽບກົດໝາຍ;
4. ຕໍ່ກັບພຶດຕິກຳຂອງປະຊາຊົນຈຳນວນໜຶ່ງ ທີ່ມີການລະເມີດຫຼັກການວຽກງານແຮ່ທາດ ມອບໃຫ້ສະພາປະຊາຊົນແຂວງ, ພະແນກກະສິກຳ ແລະ ປ່າໄມ້ແຂວງ, ເມືອງ ແລະ ພາກສ່ວນທີ່ກ່ຽວຂ້ອງສົມທົບກັນຮ່ວມກັນແກ້ໄຂ ແລະ ຈັດສັນອາຊີບຄົງທີ່ໃຫ້ປະຊາຊົນໃຫ້ສອດຄ່ອງກັບຈຸດພິເສດດ້ານທີ່ຕັ້ງ ແລະ ທຳມະຊາດຂອງທ້ອງຖິ່ນນັ້ນ ເພື່ອບໍ່ໃຫ້ປະຊາຊົນໄປເຄື່ອນໄຫວໄປລັກລອບຂຸດຄົ້ນຊັບພະຍາກອນແຮ່ທາດ.

5. ຄຳສັ່ງສະບັບນີ້ມີຜົນສັກສິດ ແລະ ນຳໃຊ້ໄດ້ນັບແຕ່ວັນລົງລາຍເຊັນເປັນຕົ້ນໄປ, ຖ້າຫາກມີຂໍ້ຕົກລົງ ແລະ ຄຳສັ່ງໃດໃນເມື່ອກ່ອນ ທີ່ຂັດກັບເນື້ອໃນຄຳສັ່ງສະບັບນີ້ລ້ວນແຕ່ຖືກຍົກເລີກ.

ປອນນ້າສົ່ງ:
- ຫ້ອງວ່າການແຂວງ 1 ສະບັບ.
- ພາກສ່ວນທີ່ກ່ຽວຂ້ອງ, ປອນລະ 1 ສະບັບ.
- ສຳເນົາ 2 ສະບັບ.