ຂໍ້ຕົກລົງ ວ່າດ້ວຍ ການຄຸ້ມຄອງຄູ, ນັກຮຽນ ແລະ ສະຖານການສຶກສາ ສາຍສາມັນ ຢູ່ແຂວງອຸດົມໄຊ

ມາດຕາ 1

ຈຸດປະສົງ ຂອງຕົກລົງສະບັບນີ້ ກຳນົດຫຼັກການ, ລະບຽບການ ແລະ ມາດຕະການ ກ່ຽວກັບ ການຄຸ້ມຄອງຄູ, ນັກຮຽນ ແລະ ສະຖານການສຶກສາສາຍສາມັນ ເພື່ອຮັບປະກັນໃຫ້ຖືກເປົ້າໝາຍ ສົມເຫດສົມຜົນ ແລະ ມີປະສິດທິພາບ, ພ້ອມທັງປົກປັກຮັກສາສະຖານການສຶກສາ, ປົກປ້ອງ, ຄຸ້ມຄອງ ຄູ ແລະ ນັກຮຽນ ໃຫ້ ມີຄວາມເປັນລະບຽບຮຽບຮ້ອຍ. ກຳນົດລະບຽບໃນການເຄື່ອນໄຫວວຽກງານຕ່າງໆ ໃຫ້ບັນລຸຕາມວັດຖຸປະສົງ ແລະ ເປົ້າໝາຍ ຂອງການສຶກສາແຫ່ງຊາດ. ສ້າງຄວາມສາມັກຄີພາຍໃນ ແລະ ພາຍນອກໃຫ້ມີ ຄວາມແໜ້ນແຟ້ນ. ພັດທະນາການຮຽນ-ການສອນ ແລະ ສ້າງຊັບພະຍາກອນມະນຸດໃຫ້ມີຄຸນນະພາບ ດີຂຶ້ນຕາມທິດຍືນຍົງ ແນໃສ່ຕອບສະໜອງຄວາມຮຽກຮ້ອງຕ້ອງການຂອງປະຊາຊົນ ພ້ອມທັງປະກອບ ສ່ວນເຂົ້າໃນການພັດທະນາເສດຖະກິດສັງຄົມຂອງແຂວງ. ມາດຕາ ຂ ການຄຸ້ມຄອງຄູ, ນັກຮຽນ ແລະ ສະຖານການສຶກສາ ການຄຸ້ມຄອງຄູ, ນັກຮຽນ ແລະ ສະຖານການສຶກສາ ສາຍສາມັນ ແມ່ນການປະຕິບັດແນວທາງນະ ໂຍບາຍການສຶກສາແຫ່ງຊາດ ຕາມການແບ່ງຂັ້ນຄຸ້ມຄອງໂດຍການມີສ່ວນຮ່ວມຂອງອົງການປົກຄອງ ແລະ ຊຸມຊົນໃນທ້ອງຖິ່ນ ເຮັດໃຫ້ລູກຫຼານຂອງປະຊາຊົນໄດ້ເຂົ້າຮຽນຕາມເກນອາຍຸ. ເພື່ອພັດທະນາວຽກງານດັ່ງ ກ່າວໃຫ້ໄດ້ມາດຕະຖານ, ມີຄຸນນະພາບ , ມີຄວາມຍືນຍົງ, ແນໃສ່ພັດທະນາຊັບພະຍາກອນມະນຸດໃຫ້ກາຍ ເປັນພົນລະເມືອງດີ, ມີຄຸນສົມບັດສິນທຳປະຕິວັດ, ມີຄວາມຮູ້, ຄວາມສາມາດ, ມີວິຊາຊີບ, ມີຄວາມຊຳນານ 1 ງານ, ມີສຸຂະພາບພະລານາໄມ , ຮູ້ຮັກ ແລະ ສົ່ງເສີມສິລະປະວັດທະນະທຳ ແລະ ຮີດຄອງປະເພນີອັນດີງາມ ຂອງທ້ອງຖິ່ນ ແລະ ຂອງຊາດ.