ຄຳສັ່ງ ວ່າດ້ວຍການເພີ່ມທະວີຄວາມເຂັ້ມງວດ ໃນການຄຸ້ມຄອງ, ປົກປັກຮັກສາ, ພັດທະນາ ແລະ ນຳໃຊ້ປ່າໄມ້, ທີ່ດິນປ່າໄມ້, ຕ້ານ ແລະ ສະກັດກັ້ນການບຸກລຸກທຳລາຍປ່າໄມ້, ທີ່ດິນປ່າໄມ້ ແລະ ໄຟໄໝ້ລາມປ່າ (ແຂວງໄຊຍະບູລີ)

ມາດຕາ 1

ອີງຕາມມາດຕາ 20 ຂອງພາກທີ 1 ແຫ່ງກົດໝາຍວ່າດ້ວຍການປົກຄອງທ້ອງຖິ່ນ ສປປ ລາວ (ສະບັບປັບປຸງ ເລກທີ 68/ສພຊ ລົງວັນທີ 14 ທັນວາ 2015) ກ່ຽວກັບສິດ ແລະ ໜ້າທີ່ຂອງເຈົ້າແຂວງ, ເຈົ້າຄອງນະຄອນຫຼວງ; ອີງຕາມຄຳສັ່ງເລກທີ 11/ນຍ ລົງວັນທີ 21 ກໍລະກົດ 2023 ຂອງນາຍົກລັດຖະມົນຕີ. ໃນໄລຍະຜ່ານມາ, ແຂວງໄຊຍະບູລີຂອງຂ້າພະເຈົ້າ ໄດ້ເກີດປະກົດການບຸກລຸກທຳລາຍປ່າໃນເຂດປ່າສະຫງວນ, ເຂດຫ້າມ, ຕາມເສັ້ນຊາຍແດນ, ການຈັບຈອງ, ຊື້ຂາຍທີ່ດິນປ່າ, ການຖາງປ່າເພື່ອຂະຫຍາຍພື້ນທີ່ຜະລິດໂດຍບໍ່ໄດ້ຮັບອະນຸຍາດ, ຕະຫຼອດຮອດການຈູດໄຟເປັນກຸ່ມກ້ອນ ແລະ ເປັນຂະບວນ ເຊິ່ງນັບມື້ນັບເພີ່ມຂຶ້ນໃນແຕ່ລະປີ, ເຮັດໃຫ້ພື້ນທີ່ປ່າໄມ້ຫຼຸດລົງ, ສະພາບອາກາດຜິດປົກກະຕິ, ໂດຍສະເພາະແມ່ນບັນຫາຄວັນພິດ (PM2.5), ແມ່ນ້ຳລຳເຊຕ່າງໆແຫ້ງເຫຼືອ, ສັດປ່າເສຍແຫຼ່ງທີ່ຢູ່ອາໄສ ແລະ ສູນພັນ. ດັ່ງນັ້ນ, ເພື່ອສະກັດກັ້ນ, ແກ້ໄຂປະກົດການຫຍໍ້ທໍ້ດັ່ງກ່າວໃຫ້ຫຼຸດລົງ ແລະ ຢຸດຕິຢ່າງສິ້ນເຊີງບັນດາກິດຈະກຳທີ່ທຳລາຍຊັບພະຍາກອນປ່າໄມ້ ແລະ ຊີວະນາໆພັນ, ພ້ອມທັງເພື່ອມຸ່ງໄປສູ່ການຈັດຕັ້ງປະຕິບັດມະຕິກອງປະຊຸມໃຫຍ່ພັກແຂວງ ໂດຍເນັ້ນໃສ່ການຄຸ້ມຄອງ ແລະ ປົກປັກຮັກສາປ່າໄມ້ ແລະ ທີ່ດິນປ່າ ເພື່ອໃຫ້ກວມເອົາປ່າໄມ້ທົ່ວແຂວງບັນລຸ 60% ໃນປີ 2025 ແລະ 70% ໃນປີ 2030 (ຕາມແຜນຍຸດທະສາດການພັດທະນາ ແລະ ຄຸ້ມຄອງປ່າໄມ້ຂອງແຂວງ), ພ້ອມທັງຮັບປະກັນການຄຸ້ມຄອງ, ປົກປັກຮັກສາ, ພັດທະນາ ແລະ ນຳໃຊ້ປ່າໄມ້ແບບຍືນຍົງ ແລະ ເປັນມິດກັບສິ່ງແວດລ້ອມ ເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງແຂວງໃຫ້ຂະຫຍາຍຕົວຂຶ້ນເທື່ອລະກ້າວ, ເຈົ້າແຂວງຈຶ່ງອອກຄຳສັ່ງ: