ຄຳແນະນຳ ກ່ຽວກັບການຈັດຕັ້ງປະຕິບັດ ຜັນຂະຫຍາຍ ຄຳສັ່ງເລກທີ 05/ນຍ ວ່າດ້ວຍການເພີ່ມທະວີຄວາມເຂັ້ມງວດ ໃນການຄຸ້ມຄອງ ແລະ ກວດກາ ສັດນ້ຳ-ສັດປ່າ ແລະ ພືດປ່າ ປະເພດຫວງຫ້າມ

ມາດຕາ 1

ສາທາລະນະລັດ ປະຊາທິປະໄຕ ປະຊາຊົນລາວ ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ. ເຈົ້າແຂວງ ເລກທີ 515/ຊຮ.ບກ. ບໍ່ແກ້ວ, ວັນທີ...... ປີ 2018. ຄຳສັ່ງ. ກ່ຽວກັບການຈັດຕັ້ງປະຕິບັດ, ເຜີຍແຜ່ຄຳສັ່ງຂອງນາຍົກລັດຖະມົນຕີ ສະບັບເລກທີ 05/ຍ ລົງວັນທີ 8 ພຶດສະພາ 2018 ວ່າດ້ວຍການເພີ່ມທະວີການຄຸ້ມຄອງ ແລະ ກວດກາສັດນ້ຳ, ສັດປ່າ ແລະ ພືດປ່າທີ່ຫາຍາກ ແລະ ໃກ້ຈະສູນພັນ. ເຖິງ: ທ່ານຫົວໜ້າກົມ, ຫົວໜ້າພະແນກການຂຶ້ນກັບແຂວງ, ສອງກອງບັນຊາການ, ທ່ານເຈົ້າເມືອງ, ພະແນກການຂັ້ນແຂວງ ແລະ ເມືອງ ທີ່ກ່ຽວຂ້ອງ ຈົນເຖິງອົງການປົກຄອງຂັ້ນບ້ານ, ຕະຫຼອດຮອດປະຊາຊົນບັນດາເຜົ່າໃນແຂວງບໍ່ແກ້ວ. — ອີງຕາມກົດໝາຍວ່າດ້ວຍການປົກຄອງທ້ອງຖິ່ນ ສະບັບເລກທີ 68/ສພຊ ລົງວັນທີ 14 ທັນວາ 2015. — ອີງຕາມກົດໝາຍວ່າດ້ວຍສັດນ້ຳ ແລະ ສັດປ່າ ສະບັບເລກທີ 07/ສພຊ ລົງວັນທີ 24 ທັນວາ 2007. — ອີງຕາມສົນທິສັນຍາວ່າດ້ວຍການຄ້າສາກົນຊະນິດພັນສັດປ່າ ແລະ ພືດປ່າທີ່ຫາຍາກ ແລະ ໃກ້ຈະສູນພັນ (CITES) ທີ່ ສປປ ລາວ ເປັນພາຄີ. — ອີງຕາມຄຳສັ່ງຂອງນາຍົກລັດຖະມົນຕີ ສະບັບເລກທີ 05/ຍ ລົງວັນທີ 8 ພຶດສະພາ 2018 ວ່າດ້ວຍການເພີ່ມທະວີການຄຸ້ມຄອງ ແລະ ກວດກາສັດນ້ຳ, ສັດປ່າ ແລະ ພືດປ່າທີ່ຫາຍາກ ແລະ ໃກ້ຈະສູນພັນ. ເພື່ອຈັດຕັ້ງປະຕິບັດຄຳສັ່ງສະບັບເລກທີ 05/ຍ ຂອງນາຍົກລັດຖະມົນຕີດັ່ງກ່າວຢ່າງເປັນຮູບປະທຳ, ໂດຍມີຈຸດປະສົງເພື່ອໃຫ້ການຄຸ້ມຄອງ ແລະ ກວດກາສັດນ້ຳ, ສັດປ່າ ແລະ ພືດປ່າທີ່ຫາຍາກ ແລະ ໃກ້ຈະສູນພັນ ເປັນໄປຕາມກົດໝາຍ ແລະ ລະບຽບການທີ່ໄດ້ປະກາດໃຊ້ຢ່າງເຂັ້ມງວດ, ພ້ອມທັງຄ່ອຍໆ ສະກັດກັ້ນ, ປາບປາມ ແລະ ແກ້ໄຂບັນດາປະກົດການຫຍໍ້ທໍ້ຕ່າງໆ ໃນວຽກງານນີ້, ເຈົ້າແຂວງບໍ່ແກ້ວ ຈຶ່ງອອກຄຳສັ່ງດັ່ງນີ້: