ດຳລັດ ວ່າດ້ວຍ ການປັບໃໝ ແລະ ນຳໃຊ້ມາດຕະການອື່ນ ຕໍ່ຜູ້ລະເມີດ ກົດໝາຍ ແລະ ລະບຽບການ ກ່ຽວກັບການວັດແທກ

ມາດຕາ 1

! ສິດ ແລະ ໜ້າທີ ຂອງກະຊວງອຸດສາຫະກຳ ແລະ ການຄ້າ ກະຊວງອຸດສາຫະກຳ ແລະ ການຄ້າ ມີສິດ ແລະ ໜ້າທີ ໃນການປັບໃໝ ແລະ ການນຳໃຊ້ ມາດຕະການອື່ນ ຕໍ່ຜູ້ລະເມີດ ກົດໝາຍ ແລະ ລະບຽບການ ກ່ຽວກັບການວັດແທກ ຕາມການແບ່ງຂັ້ນຄຸ້ມຄອງແຕ່ລະໄລຍະ ໃນກໍລະນີ ດັ່ງນີ້: 1. ການຜະລິດ ແລະ ການຈຳໜ່າຍ ແມ່ແບບວັດແທກ, ເຄື່ອງມື ແລະ ອຸປະກອນວັດແທກ ທີ່ບໍ່ໄດ້ ກວດທຽບ, ສອບທຽບ ແລະ ກວດຄືນ ຫຼື ບໍ່ໄດ້ຂຶ້ນທະບຽນ; 2. ການນຳເຂົ້າ ແມ່ແບບວັດແທກ, ເຄື່ອງມື ແລະ ອຸປະກອນວັດແທກ ທີ່ບໍ່ ໄດ້ຮັບອະນຸຍາດ; 3. ການນຳໃຊ້ໃບຢັ້ງຢືນທີ່ໝົດອາຍຸ ຫຼື ຖືກຍົກເລີກ ແລະ ນຳໃຊ້ ແມ່ແບບວັດແທກ, ເຄື່ອງມື ແລະ ອຸປະກອນວັດແທກ ທີ່ໝົດອາຍຸການຢັ້ງຢືນ; 4. ການລະເມີດລະບຽບກ່ຽວກັບການກວດທຽບ, ສອບທຽບ ແລະ ກວດຄືນ ແມ່ແບບວັດແທກ, ເຄື່ອງມື ແລະ ອຸປະກອນວັດແທກ; 5. ການຖອນອຸປະກອນລ໋ອກ, ລອກ ຫຼື ແກະສະຕິກເກີ ແລະ ກາຫາຍອອກຈາກ ແມ່ແບບວັດແທກ, ເຄື່ອງມື ແລະ ອຸປະກອນວັດແທກ ໂດຍບໍ່ໄດ້ຮັບການອະນຸຍາດ; 6. ຕິດກາຫາຍຢັ້ງຢືນ ຫຼື ກາຫາຍການກວດຄືນ ທີ່ປອມແປງ ຫຼື ຜິດກົດໝາຍ ແລະ ລະບຽບການ; 7. ການລະເມີດເງື່ອນໄຂ ກ່ຽວກັບສິນຄ້າຫຸ້ມຫໍ່; 8. ສະແດງປະລິມານທີ່ຄິດໄລ່ບໍ່ຖືກຕ້ອງ ເພື່ອເຮັດໃຫ້ຜູ້ອື່ນເຂົ້າໃຈຜິດ ຫຼື ຫຼອກລວງຜູ້ອື່ນ ໂດຍ ເຈດຕະນາ; 9. ການດັດແປງແມ່ແບບວັດແທກ, ເຄື່ອງມື ແລະ ອຸປະກອນວັດແທກ ທີ່ບໍ່ຄົບອົງປະກອບການກະທຳ ຜິດທາງອາຍາ.