ຄຳແນະນຳ ກ່ຽວກັບການແຈ້ງການຢັ້ງຢືນຮັບຮູ້ ແລະ ການຂໍອະນຸຍາດ ດຳເນີນທຸລະກິດການຄ້າທາງເອເລັກໂຕຣນິກ
关于电子商务经营活动的备案确认通知与许可申请的指导意见
Guidelines on Filing Confirmation Notices and License Applications for E-Commerce Operations
ບົດສະຫຼຸບ
ຄຳແນະນຳຂອງກະຊວງອຸດສາຫະກຳ ແລະ ການຄ້າ ແຫ່ງ ສປປ ລາວ ອີງຕາມດຳລັດວ່າດ້ວຍການຄ້າເອເລັກໂຕຣນິກ ກຳນົດລາຍລະອຽດກ່ຽວກັບຂັ້ນຕອນການແຈ້ງ, ການຢັ້ງຢືນການຈົດທະບຽນ ແລະ ໃບອະນຸຍາດດຳເນີນທຸລະກິດການຄ້າເອເລັກໂຕຣນິກ, ເອກະສານທີ່ຕ້ອງການ, ໄລຍະເວລາມີຜົນ, ກໍລະນີຖອນຄືນ, ວິທີການເກັບຄ່າທຳນຽມ ແລະ ໜ້າທີ່ຂອງອົງການຄຸ້ມຄອງອຸດສາຫະກຳ ແລະ ການຄ້າ ຂັ້ນສູນກາງ, ແຂວງ ແລະ ເມືອງ.
ມາດຕາ
ມາດຕາ 1
1. ເພື່ອເຮັດໃຫ້ເນື້ອໃນມາດຕາ 6 ຫາມາດຕາ 17, ມາດຕາ 35 ຫາມາດຕາ 40, ມາດຕາ 42, ມາດຕາ 51 ແລະ ມາດຕາ 59 ຂອງດຳລັດວ່າດ້ວຍການຄ້າເອເລັກໂຕຣນິກ ສະບັບເລກທີ 296/ລບ (ວັນທີ 12 ເມສາ 2021) ມີຄວາມລະອຽດ, ຊັດເຈນ, ແຈ້ງ ແລະ ເປັນເອກະພາບໃນການຈັດຕັ້ງປະຕິບັດທົ່ວປະເທດ; 2. ເພື່ອເປັນຄຳແນະນຳ ແລະ ຊີ້ແຈງເພີ່ມເຕີມກ່ຽວກັບການຈົດທະບຽນ, ການຢັ້ງຢືນ ແລະ ການອະນຸຍາດການດຳເນີນທຸລະກິດການຄ້າເອເລັກໂຕຣນິກ; 3. ເພື່ອສົ່ງເສີມການຂະຫຍາຍຕົວຂອງທຸລະກິດການຄ້າເອເລັກໂຕຣນິກ, ຮັບປະກັນການແຂ່ງຂັນທີ່ເປັນທຳ, ປົກປ້ອງສິດ ແລະ ຜົນປະໂຫຍດຂອງຜູ້ປະກອບການ ແລະ ຜູ້ບໍລິໂພກ, ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດ.
ມາດຕາ 2
ການຈົດທະບຽນກິດຈະການຄ້າເອເລັກໂຕຣນິກ (ມາດຕາ 10 ຂອງດຳລັດວ່າດ້ວຍການຄ້າເອເລັກໂຕຣນິກ). ການຈົດທະບຽນການຄ້າເອເລັກໂຕຣນິກ ໝາຍເຖິງ ການກະທຳຂອງບຸກຄົນທຳມະດາ ຫຼື ນິຕິບຸກຄົນ ທີ່ດຳເນີນທຸລະກິດການຄ້າເອເລັກໂຕຣນິກ ຜ່ານຊ່ອງທາງເອເລັກໂຕຣນິກຂອງຕົນເອງ ຫຼື ຊື້ຂາຍໃນຕະຫຼາດເອເລັກໂຕຣນິກ ແລະ ໃຫ້ບໍລິການຕະຫຼາດເອເລັກໂຕຣນິກ ທີ່ຍື່ນຂໍ້ມູນຂອງຕົນ. ບຸກຄົນທຳມະດາ ຫຼື ນິຕິບຸກຄົນ ທີ່ດຳເນີນທຸລະກິດການຄ້າເອເລັກໂຕຣນິກ ຜ່ານຊ່ອງທາງເອເລັກໂຕຣນິກຂອງຕົນເອງ ຫຼື ຊື້ຂາຍໃນຕະຫຼາດເອເລັກໂຕຣນິກ ແລະ ໃຫ້ບໍລິການຕະຫຼາດເອເລັກໂຕຣນິກ ແລ້ວ ຕ້ອງຈົດທະບຽນຕໍ່ກົມການຄ້າພາຍໃນ ເພື່ອການສຶກສາ, ກວດກາ, ຢືນຢັນການຈົດທະບຽນ ແລະ ອະນຸຍາດໃຫ້ດຳເນີນທຸລະກິດການຄ້າເອເລັກໂຕຣນິກຂອງຕົນ. ຕ້ອງດຳເນີນການພາຍໃນເກົ້າສິບວັນ ນັບແຕ່ວັນທີ່ຄຳແນະນຳນີ້ມີຜົນບັງຄັບໃຊ້; ຖ້າພົ້ນກຳນົດເວລາດັ່ງກ່າວ ໂດຍບໍ່ໄດ້ຍື່ນຄຳຂໍອະນຸຍາດດຳເນີນທຸລະກິດ ຈະຖືກດຳເນີນມາດຕະການ ຕາມມາດຕາ 59 ຂອງດຳລັດວ່າດ້ວຍການຄ້າເອເລັກໂຕຣນິກ ແລະ ກົດໝາຍ ແລະ ລະບຽບການທີ່ກ່ຽວຂ້ອງ.
ໜ້ານີ້ສະແດງ 2 ມາດຕາທຳອິດ ຈາກທັງໝົດ 15 ມາດຕາ. ເບິ່ງສະບັບເຕັມສາມພາສາໃນແອັບ ລາວປັນຍານິຕິ.
ເບິ່ງສະບັບເຕັມສາມພາສາ ແລະ ຄຳອະທິບາຍ AI ໃນແອັບ ລາວປັນຍານິຕິ← ໜ້າຫຼັກ ລາວປັນຍານິຕິ: ຖາມ-ຕອບກົດໝາຍ AI · ຮ່າງສັນຍາ · ແປ ຈີນ-ລາວ