ຂໍ້ຕົກລົງ ວ່າດ້ວຍກອງທຶນຄຸ້ມຄອງໄພພິບັດ (ແຂວງໄຊຍະບູລີ)

ມາດຕາ 1

ຈຸດປະສົງ ຂອງຕົກລົງສະບັບນີ້ ກຳນົດ ຫຼັກການ, ລະບຽບການ ແລະ ມາດຕະການ ກ່ຽວກັບການຄຸ້ມຄອງ ແລະ ການນຳ ໃຊ້ກອງທຶນຄຸ້ມຄອງໄພພິບັດ ເພື່ອປຸກລະດົມທຶນ ຈາກ ບຸກຄົນ, ນິຕິບຸກຄົນ, ຄອບຄົວ, ການຈັດຕັ້ງ ທັງພາຍໃນ ແລະ ຕ່າງປະເທດ ແນໃສ່ ໃຫ້ແກ່ການຊ່ວຍເຫຼືອສຸກເສີນ, ສ້ອມແປງພື້ນຖານໂຄງລ່າງທີ່ຈຳເປັນ, ການຊອກຄົ້ນ, ຄົ້ນຫາ ແລະ ກູ້ໄພ ເພື່ອເຮັດໃຫ້ຊີວິດການເປັນຢູ່ ຂອງປະຊາຊົນຜູ້ປະສົບໄພພິບັດ ກັບຄືນສູ່ສະພາບປົກກະຕິ ຫຼື ດີ ຂຶ້ນກວ່າເກົ່າ ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາແຂວງໄຊຍະບູລີ. ມາດຕາ ຂ ກອງທຶນຄຸ້ມຄອງໄພພິບັດ ກອງທຶນຄຸ້ມຄອງໄພພິບັດ ຂຽນຫຍໍ້ : “ກພບ” ແມ່ນ ກອງທຶນ ຂອງອົງການຈັດຕັ້ງລັດ ສ້າງຕັ້ງຂຶ້ນ ເພື່ອລະດົມ ແລະ ສະສົມທຶນ ຈາກແຫຼ່ງຕ່າງໆ ໃຫ້ມີງົບປະມານ ຊ່ວຍເຫຼືອສັງຄົມ ແນໃສ່ຮັບປະກັນ ນຳໃຊ້ເຂົ້າໃນການຊ່ວຍເຫຼືອ ແລະ ບັນເທົາທຸກໃນຊ່ວງຕອບໂຕ້ໄພພິບັດສຸກເສີນ ແລະ ດ້ານມະນຸດສະທຳແກ່ເປົ້າໝາຍທີ່ໄດ້ຮັບຜົນເສຍຫາຍ ຈາກ ໄພພິບັດ.