ດຳລັດ ວ່າດ້ວຍການຈັດຕັ້ງປະຕິບັດແຜນຜັງລວມຕົວເມືອງ ນະຄອນຫຼວງວຽງຈັນ ຮອດປີ 2030

ມາດຕາ 1

ຈຸດປະສົງຂອງດຳລັດສະບັບນີ້ ກຳນົດຫຼັກການ, ລະບຽບການ ແລະ ມາດຕະການ ກ່ຽວກັບການຄຸ້ມຄອງ ຕິດຕາມ, ກວດກາ ການຈັດຕັ້ງປະຕິບັດແຜນຜັງລວມຕົວເມືອງ ນະຄອນຫຼວງວຽງຈັນ ຮອດປີ 2030 ເພື່ອຮັບປະກັນການພັດທະນາຕົວເມືອງ ຕາມແຜນຜັງລວມຕົວເມືອງ ນະຄອນຫຼວງວຽງຈັນ ກຳນົດ ພ້ອມທັງ ມີເອກະລັກ, ຄວາມສົມດູນ, ສວຍງາມ, ເປັນລະບຽບຮຽບຮ້ອຍ ຊຶ່ງມີເນື້ອທີ່ ແລະ ສ່ວນປະກອບຂອງແຜນຜັງ ດັງນີ້: 1. ມີເນື້ອທີ 61.600 ເຮັກຕາ ກວມເອົາ 288 ບ້ານ ທີ່ນອນໃນ 07 ເມືອງ ຄື: ເມືອງຈັນທະບູລີ, ເມືອງສີສັດຕະນາກ, ເມືອງໄຊເສດຖາ, ເມືອງສີໂຄດຕະບອງ, ເມືອງຫາດຊາຍຟອງ, ເມືອງນາຊາຍທອງ ແລະ ເມືອງໄຊທານີ; 2. ແຜນຜັງການແບ່ງເຂດນຳໃຊ້ທີ່ດິນ, ແຜນຜັງລະບົບໂຄງລ່າງພື້ນຖານທາງດ້ານເຕັກນິກ ແລະ ສັງຄົມ.