关于在沙拉湾省防范、阻截和处置毒品的决定

ຈຸດປະສົງ ຂອງຕົກລົງສະບັບນີ້, ກຳນົດຫຼັກການ, ລະບຽບການ ແລະ ມາດຕະການກ່ຽວກັບການຕ້ານ, ສະກັດກັນ ແລະ ແກ້ໄຂຢາເສບຕິດທີ່ເປັນອັນຕະລາຍຕາມກຳນົດໄວ້ໃນກົດໝາຍວ່າດ້ວຍ ຢາເສບຕິດ ແນໃສ່ສ້າງສະຕິໃຫ້ປະຊາຊົນພົນລະເມືອງຮັບຮູ້ເຂົ້າໃຈຜົນຮ້າຍ ຂອງຢາເສບຕິດ ເພື່ອພ້ອມກັນຕ້ານ, ສະກັດກັນ ແລະ ແກ້ໄຂຢາເສບຕິດ ທີ່ເກີດຂຶ້ນໃນສັງຄົມ, ຍົກສູງປະສິດທິພາບການຄຸ້ມຄອງລັດ, ຄຸ້ມຄອງສັງຄົມ ດ້ວຍກົດໝາຍ ແລະ ນິຕິກຳໃຕ້ກົດໝາຍ ເຂົ້າສູ່ຄວາມເປັນ ລະບຽບຮຽບຮ້ອຍ ຂອງສັງຄົມ ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ມີສະຖຽນລະພາບທາງດ້ານການເມືອງຢ່າງໝັ້ນແຫນ້ນ, ເສດຖະກິດມີການຂະຫຍາຍຕົວຢ່າງຕໍ່ເນື່ອງ, ສັງຄົມມີຄວາມສະຫງົບ ຄວາມເປັນລະບຽບຮຽບຮ້ອຍ ແລະ ຍຸຕິທຳ.

ການຕ້ານ, ສະກັດກັນ ແລະ ແກ້ໄຂຢາເສບຕິດ ການຕ້ານ ແມ່ນການປ້ອງກັນ, ການຈຳກັດ, ການປາບປາມ, ການເກືອດຫ້າມ, ການກີດຂວາງ, ການສູ້ຢັນ, ການ ຕອບໂຕ້, ການລົບລ້າງ ແລະ ການຫຼຸດຜ່ອນ ແຫຼ່ງຕອບສະໜອງກັບຄວາມຕ້ອງການຢາເສບຕິດ ; ການສະກັດກັນ ແມ່ນການຄວບຄຸມ, ການຍຸດກັນການແຜ່ລະບາດ , ບໍ່ໃຫ້ແຜ່ລາມກວ້າງອອກ ຂອງຢາເສບຕິດ ບໍ່ໃຫ້ເຕີບໂຕສ້າງຜົນເສຍຫາຍໃຫ້ແກ່ບຸກຄົນ, ຄອບຄົວ ແລະ ສັງຄົມ. ຈ້ ການແກ້ໄຂຢາເສບຕິດ ແມ່ນການພົວພັນຫຼາຍວິທີການເຊັນ: ການໂຄສະນາ, ການສຶກສາອົບຮົມຜົນຮ້າຍຂອງ ຢາເສບຕິດ, ການປາບປາມ, ການສືບສວນ-ສອບສວນ ແລະ ກ້າວໄປເຖິງຕຳເນີນຄະດີຕາມຂັ້ນຕອນ ຂອງກົດໝາຍ.

ການອະທິບາຍຄຳສັບ ຄຳສັບຕ່າງໆ ທີ່ນຳໃຊ້ໃນຂໍ້ຕົກລົງສະບັບນີ້ ມີຄວາມໝາຍດັ່ງນີ້: - ການຕ້ານຢາເສບຕິດ ໝາຍເຖິງການປາບປາມ, ເກືອດຫ້າມ ແລະ ການລົບລ້າງທຸກການກະທຳຜິດທີ່ພົວພັນ ກັບຢາເສບຕິດ ລວມທັງການແກ້ໄຂຜົນຮ້າຍຈາກຢາເສບຕິດ; - ການສະກັດກັ້ນຢາເສບຕິດ ໝາຍເຖິງ ການຈຳກັດ, ປ້ອງກັນບໍ່ໃຫ້ຢາເສບຕິດແຜ່ລະບາດຢູ່ໃນສັງຄົມ ດ້ວຍ ມາດຕະການ ໂຄສະນາ, ສຶກສາອົບຮົມ, ຕິດຕາມ, ກວດກາ ແລະ ດ້ວຍວິທີການອື່ນໆ... - ການແກ້ໄຂຢາເສບຕິດ ໝາຍເຖິງການນຳໃຊ້ ມາດຕະການ, ລະບຽບການ ແລະ ກົດໝາຍ ຕໍ່ກັບຜູ້ທີ່ພົວພັນ ກັບຢາເສບຕິດ ເປັນຕົ້ນ: ຜະລິດ, ປຸງແຕ່ງ, ຄ້າ-ຂາຍ, ຂົນສົ່ງ, ຈຳໜ່າຍ, ຄອບຄອງ, ນຳເຂົ້າ, ສົ່ງອອກ, ຜູ້ ເສບ ຫຼື ຜູ້ຮ່ວມຂະບວນການອື່ນໆ... - ເຄມີຕົ້ນ ໝາຍເຖິງ ເຄມີທີ່ນຳໃຊ້ ເພື່ອມາຜະລິດຢາເສບຕິດ; - ພືດທີ່ໃຫ້ຢາເສບຕິດ ໝາຍເຖິງ ຕົ້ນຝິນ, ຕົ້ນຄັນຊາ, ຕົ້ນໂກກາ ແລະ ຕົ້ນອື່ນໆ... ທີ່ໃຫ້ສານເສບຕິດ; - ສານເສບຕິດ ໝາຍເຖິງ ການກະຕຸ້ນ ຫຼື ລະງັບລະບົບປະສາດ ເຮັດໃຫ້ຜູ້ນຳໃຊ້ຕິດໄດ້ງ່າຍດາຍ; - ຜູ້ທີ່ມີຄວາມສ່ຽງຕໍ່ຢາເສບຕິດ ໝາຍເຖິງ ຜູ້ທີ່ມີທ່າອ່ຽງ ແລະ ກ້າວໄປເຖິງເປັນຜູ້ຕິດຢາເສບຕິດເຊັ່ນ: ກຸ່ມ ໄວໜຸ່ມ ຂາດຄວາມອົບອຸ່ນຈາກຄອບຄົວ; - ການເສບຢາເສບຕິດ ໝາຍເຖິງ ກິນ, ດື່ມ, ດົມສູບ, ສັກເຂົ້າໃນເສັ້ນເລືອດ ຫຼື ດ້ວຍວິທີອື່ນໆ... - ຜູ້ຕິດຢາເສບຕິດ ໝາຍເຖິງ ຜູ້ທີ່ມີຄວາມຕ້ອງການເສບຢາເສບຕິດຫຼາຍຂຶ້ນດ້ວຍວິທີ: ສູບ, ເສບ, ດື່ມ ຫຼື ສັກເຂົ້າເສັ້ນເລືອດ, ຮ່າງກາຍຈ່ອຍ, ຜອມ, ສີຜີວເຫຼືອງລ່າ, ມັກປະສາດຫຼອນ, ມັກໃຊ້ຄວາມຮຸນແຮງ ກໍ່ໃຫ້ເກີດອາຊະຍາກຳ ແລະ ອື່ນໆ...

ນະໂຍບາຍກ່ຽວກັບວຽກງານການຕ້ານ, ສະກັດກັ້ນ ແລະ ການແກ້ໄຂຢາເສບຕິດ ອົງການປົກຄອງແຂວງ ໄດ້ເອົາໃຈໃສ່ກຳນົດນະໂຍບາຍການຕ້ານ, ສະກັດກັ້ນ ແລະ ແກ້ໄຂຢາເສບຕິດ ດ້ວຍ ການໂຄສະນາ, ສຶກສາອົບຮົມປະຊາຊົນພົນລະເມືອງດ້ວຍຫຼາຍຮູບການ ເພື່ອສ້າງຈິດສຳນຶກເຫັນໄດ້ຜົນຮ້າຍ ແລະ ພິດ ໄພອັນຕະລາຍຂອງຢາເສບຕິດ, ປຸກລະດົມໃຫ້ບຸກຄົນ, ຄອບຄົວ ແລະ ການຈັດຕັ້ງທຸກພາກສ່ວນ ໃຫ້ເຂົ້າຮ່ວມການ ເຄື່ອນໄຫວວຽກງານການຕ້ານ, ສະກັດກັ້ນ ແລະ ແກ້ໄຂຢາເສບຕິດໃຫ້ຫຼຸດຫ້ອຍຖອຍລົງເທື່ອລະກ້າວໆ.

ຫຼັກການກ່ຽວກັບການຕ້ານ, ສະກັດກັ້ນ ແລະ ແກ້ໄຂຢາເສບຕິດ ປະກອບດ້ວຍ 5 ຫຼັກການດັ່ງນີ້: 1. ສອດຄ່ອງກັບແນວທາງ, ແຜນນະໂຍບາຍຂອງພັກ ແລະ ນະໂຍບາຍຂອງລັດ, ກົດໝາຍ ແລະ ນິຕິກຳໃຕ້ກົດໝາຍ; 2. ສອດຄ່ອງກັບວາລະແຫ່ງຊາດ, ຕ້ອງຢຶດໝັ້ນຕາມຫຼັກການນຳພາຂອງພັກເພື່ອເປັນທິດທາງໃນການຈັດຕັ້ງຜັນຂະຫຍາຍບັນດາມາດຕະການທີ່ກຳນົດໄວ້ໃນວາລະແຫ່ງຊາດ; 3. ຄວາມເດັດຂາດຕັດສິນໃຈສູງ ບົນພື້ນຖານຄວາມເຂົ້າໃຈ ແລະ ຮູ້ໄດ້ຕໍ່ຄວາມຮຸນແຮງຂອງບັນຫາ ແລະ ຄວາມຈຳເປັນຕ້ອງໄດ້ໃຊ້ມາດຕະການເດັດຂາດໃນການແກ້ໄຂບັນຫາຕາມກົດໝາຍ; 4. ຄວາມໂປ່ງໃສ ບັນດາຂະບວນການແກ້ໄຂ ຕ້ອງຜ່ານບັນດາມາດຕະການຄວາມໂປ່ງໃສ, ສ້າງຄວາມເຊື່ອໝັ້ນ ແລະ ຄວາມຍຸຕິທຳ ໃນການແກ້ໄຂຢາເສບຕິດ; 5. ຄວາມເປັນມືອາຊີບໃນການແກ້ໄຂຢາເສບຕິດ ຈຳເປັນຕ້ອງໄດ້ນຳໃຊ້ຄວາມຮູ້-ຄວາມສາມາດ ແລະ ຊຳນານງານດ້ານຫຼັກການວິຊາການ ແລະ ວິຊາສະເພາະໃນລະດັບທີ່ແນ່ນອນ, ບໍ່ເຮັດຕາມລຳພັງໃຈ ຫຼື ຄວາມຮູ້ສຶກອັດຕະວິໄສຂອງຜູ້ໃດຜູ້ໜຶ່ງ.

ພັນທະ ຂອງທຸກພາກສ່ວນເຂົ້າໃນວຽກງານການຕ້ານ, ສະກັດກັ້ນ ແລະ ແກ້ໄຂຢາເສບຕິດ ບຸກຄົນ, ຄອບຄົວ ຫຼື ການຈັດຕັ້ງທຸກໆ ພາກສ່ວນ ຕ້ອງມີພັນທະໃຫ້ຂໍ້ມູນຂ່າວສານ, ໃຫ້ການຮ່ວມມືກັບເຈົ້າ ຫ້າທີ່ທີ່ກ່ຽວຂ້ອງ ໃນການຈັດຕັ້ງປະຕິບັດມາດຕະການແກ້ໄຂຢາເສບຕິດ; ບຸກຄົນ, ຄອບຄົວຄົນຕ່າງດ້າວ, ຊາວຕ່າງປະເທດ ແລະ ຄົນບໍ່ມີສັນຊາດ ທີ່ເຂົ້າມາດຳລົງຊີວິດ, ມາທ່ອງທ່ຽວ ຕ້ອງໄດ້ມີພັນທະໃນການໃຫ້ຂໍ້ມູນຂ່າວສານ, ໃຫ້ການຮ່ວມມື ຫຼື ປະກອບສ່ວນຕ້ານຕ່າງໆ ໃນການແກ້ໄຂຄະດີຢາເສບ ຕິດກ່ຽວກັບຄົນຕ່າງປະເທດ.

ການພົວພັນກັບບັນດາແຂວງໃກ້ຄຽງ ພາຍໃນປະເທດ ແລະ ປະເທດໃກ້ຄຽງ ເປັນເຈົ້າການຖືເອົາກົນໄກປະສານງານກັບບັນດາແຂວງພາຍໃນປະເທດ ເພື່ອແລກປ່ຽນບົດຮຽນ, ແລກປ່ຽນ ຂ່າວສານຂໍ້ມູນທີ່ກ່ຽວຂ້ອງກັບບັນຫາຢາເສບຕິດ ເພື່ອສົມທົບສ້າງເປັນລາຍຄະດີສະເພາະ ເຂົ້າຮ່ວມຂະບວນການແກ້ ໄຂ ແບບຕ່ອງໂສ້ໂດຍໃຫ້ການຮ່ວມມືກັນຢ່າງຄອ່ງແຄ້ວ, ຖືກທິດ, ແທດເໜາະກັບຕົວຈິງຂອງສະພາບປະຈຸບັນ ເພື່ອການ ຕ້ານ, ສະກັດກັ້ນ ແລະ ແກ້ໄຂຢາເສບຕິດ; ເພື່ອປະຕິບັດໃຫ້ສອດຄ່ອງແນວທາງການຕ່າງປະເທດຂອງພັກ ກໍຕ້ອງສົ່ງເສີມການພົວພັນ ແລະ ຮ່ວມມືກັບ ຕ່າງປະເທດ ພວກເຮົາຕ້ອງມີຄວາມພະຍາຍາມປະສານສົມທົບ ກັບພາກສ່ວນທີ່ກ່ຽວຂ້ອງ ຂອງແຂວງ ແລະ ເຈົ້າຫ້າທີ່ ຂອງເມືອງຊາຍແດນເບື້ອງຕາເວັນຕົກ ເພື່ອປຶກສາຫາລື ແລກປ່ຽນເຊິ່ງກັນ ແລະ ກັນ ໂດຍຜ່ານຄະນະກຳມະການ ປະສານງານ ຫຼື 80 ໃນການຕ້ານ, ສະກັດກັນ ແລະ ແກ້ໄຂຢາເສບຕິດ ຕາມແນວຊາຍແດນ ໃຫ້ເຂົ້າອົກເຂົ້າໃຈເຊິ່ງ ກັນ ແລະ ກັນ, ຮັກສາໄດ້ຄວາມສາມັກຄີ, ບ້ານໄກ້ເຮືອນຄຽງ ແລະ ແກ້ໄຂບັນຫາຕ່າງໆ ທີ່ເກີດຂຶ້ນຢ່າງສັນຕິວິທີ ໂດຍ ສະເພາະແມ່ນການລຳລຽງຂົນສົ່ງຢາເສບຕິດ ຂ້າມໄປຊາຍແດນຫວຽດນາມ, ຊາຍແດນໄທ ເຮັດໃຫ້ຊາຍແດນມີ ສັນຕິພາບ ແລະ ຄວາມສະຫງົບປອດໄພໂດຍພື້ນຖານ; ສຳລັບປະເທດເພືອນມິດຍຸດທະສາດ ຂອງປະເທດ ສສ ຫວຽດນາມ ໂດຍຜ່ານຄະນະກຳມະການຊາຍແດນ ລາວ-ຫວຽດນາມ ລະດັບຂັ້ນແຂວງ, ມີຫ້ອງການປະສານງານຮັບໃຊ້ວຽກງານ ຕ້ານອາຊະຍາກຳຂ້າມຊາຍແດນ, ເພື່ອ ເຮັດວຽກງານ ຕ້ານ, ສະກັດກັ້ນ ແລະ ແກ້ໄຂຢາເສບຕິດ ບົນພື້ນຖານຫຼັກການເຄົາລົບ ເອກະລາດ ອະທິປະໄຕ, ຜືນ ແຜ່ນດິນອັນຄົບຖ້ວນ ແລະ ຕ່າງຝ່າຍໄດ້ຮັບຜິນປະໂຫຍດຮ່ວມກັນ ຫຼື ໃຫ້ສອດຄ່ອງກັບສົນທິສັນຍາ ທີ່ປະເທດເຮົາໄດ້ ລົງນາມຮ່ວມກັນແຕ່ລະຄັ້ງ, ບົດບັນທຶກສັນຍາລະດັບຂັ້ນແຂວງ ຫຼື ຕາມບົດບັນທຶກຊ່ວຍຈຳຂອງກົມກອງ ວິຊາສະເພາະ ໄດ້ລົງນາມຮ່ວມກັນແຕ່ລະຄັ້ງ ເພືອຍາດແຍ່ງເອົາການຊ່ວຍເຫຼືອທາງດ້ານອຸປະກອນຮັບໃຊ້ ເຂົ້າໃນການແກ້ໄຂດ້ານວິຊາ ສະເພາະ ຕ້ານ, ສະກັດກັ້ນ ແລະ ແກ້ໄຂຢາເສບຕິດ.

ຂອບເຂດການນຳໃຊ້ ຂໍຕົກລົງສະບັບນີ ກຳນົດອອກ ເພື່ອນຳໃຊ້ສະເພາະເຂົ້າໃນວຽກງານການຕ້ານ, ສະກັດກັ້ນ ແລະ ແກ້ໄຂຢາເສບ ຕິດຢູ່ແຂວງ ສາລະວັນ. ບນວດທີ 2 ປະເພດຢາເສບຕິດ ແລະ ຜົນຮ້າຍ ຂອງຢາເສບຕິດ

ປະເພດຢາເສບຕິດ 3 ຢາເສບຕິດແບ່ງອອກເປັນ 2 ປະເພດ: - ຢາເສບຕິດເກືອດຫ້າມ; - ຢາເສບຕິດ ແລະ ສານເຄມີ ທີ່ຖືກຄວບຄູມນຳໃຊ້.

ຢາເສບຕິດເກືອດຫ້າມ ຢາເສບຕິດເກືອດຫ້າມ ແມ່ນຢາເສບຕິດ ເຊິ່ງມີທັງຊະນິດກະຕຸ້ນ ແລະ ຊະນິດລະງັບປະສາດຮ້າຍແຮງ ເຊັ່ນ: ຄັນຊາ, ມ໋ອກຝິ່ນ, ຢາຝິ່ນ, ຢາບ້າ, ຜົງຂາວ, ໂຄເຄນ, ເຮໂລອີນ, ຢາອີ, ຢາໄອ, ສານລະເຫີຍ, ຢາດີຫວັດທີບັນຈຸສານເຄມີ ແລະ ສານເສບຕິດອື່ນໆ...ທີ່ກຳນົດໃນກົດໝາຍ ເຊິ່ງເປັນຢາເສບຕິດເກືອດຫ້າມບໍ່ອະນຸຍາດໃຫ້ນຳໃຊ້ຢ່າງເດັດຂາດ.

ຢາເສບຕິດ ແລະ ສານເຄມີ ທີ່ຖືກຄວບຄຸມນຳໃຊ້ ຢາເສບຕິດ ແລະ ສານເຄມີ ທີ່ຖືກຄວບຄຸມນຳໃຊ້ ແມ່ນຢາເສບຕິດສະນິດກະຕຸ້ນ ຫຼື ລະງັບປະສາດທີ່ໄດ້ກຳ ນົດໄວ້ໃນເອກະສານສະເພາະ ເຊັ່ນ ມ໋ອກຝິ່ນ, ຢາຝິ່ນ, ໂກເລອີນ, ເມຕາໂຄນ, ແຟນແຕັກມີນ, ມີດາໂຊລຳ ແລະອື່ນໆ... ຢາເສບຕິດ ແລະ ສານເຄມີດັ່ງກ່າວ ຖືກນຳໃຊ້ເຂົ້າຢູ່ໃນຂົງເຂດ ວິທະຍາສາດການແພດ, ອຸດສະຫະກຳ ກະສິກຳ ໂດຍມີການຄວບຄຸມຢ່າງເຂັ້ມງວດ.

ຜົນຮ້າຍ ຂອງຢາເສບຕິດຕໍ່ຜູ້ເສບຢາເສບຕິດ-ຜູ້ຊົມໃຊ້ ຫຼື ຜູ້ນຳໃຊ້ , ຜູ້ຜະລິດ-ຜູ້ຂົນສິ່ງ, ຄອບຄົວ ແລະ ສັງຄົມ ບັນຫາຢາເສບຕິດ ໄດ້ກາຍເປັນສາຍເຫດພາໃຫ້ເກີດບັນຫາອາຊະຍາກຳປະເພດຕ່າງໆ ເພີ່ມຂຶ້ນໃນແຕ່ລະປີ ແຜ່ ລາມແຕ່ຕົວເມືອງໄປສູ່ຊົນນະບົດ ໃນຫຼາຍລະດັບແຕກຕ່າງກັນໄດ້ສ້າງຄວາມເສຍຫາຍໂດຍທາງກົງ ແລະ ທາງອ້ອມ ນຳ ເອົາຄວາມຫາຍຍະນະມາສູ່ຄອບຄົວ ແລະ ສັງຄົມ, ຄົນຮຸ່ນສືບທອດ ແລະ ປະຊາຊົນບັນດາເຜົ່າ; ຜົນຮ້າຍຕໍ່ຜູ້ເສບ-ຜູ້ນຳໃຊ້ຢາເສບຕິດ ມີຜີນຮ້າຍທີ່ເປັນອັນຕະລາຍຕໍ່ສຸຂະພາບ, ຕໍ່ຮ່າງກາຍ ແລະ ຊີວິດຂອງຜູ້ ເສບ, ເຮັດໃຫ້ເສຍບົດບາດ, ກຽດສັກສີ ແລະ ອະນາຄົດຂອງຕົນເອງຕົກຕໍ່າ, ສະບນອງຖືກທຳລາຍກາຍເປັນບ້າ, ເສຍຈິດ ເປັນປະສາດຫຼອນ, ເກີດຄວາມຢ້ານກົວມັກໃຊ້ຄວາມຮຸນແຮງ ແລະ ທຳລາຍຊີວິດຂອງຕົນເອງ ແລະ ຜູ້ອືນ; ຜົນຮ້າຍຕໍ່ຜູ້ຜະລິດ-ປຸງແຕ່ງ, ຊື້-ຂາຍ,ຈຳຫ່າຍຂົນສົ່ງ, ມີໄວ້ຄອບຄອງ, ຫຼື ນຳເຂົ້າ, ສົງອອກຈະເຮັດໃຫ້ເສຍບົດ ບາດ, ກຽດສັກສີ, ອະນາຄົດ ຫຼື ອາດຖືກລັກລອບຄາດຕະກຳ, ຈະຖືກດຳເນີນຄະດີ ຫຼື ນຳເອົາມາລົງໂທດຕາມກົດໝາຍ. ຜົນຮ້າຍຕໍ່ຄອບຄົວຜູ້ຕິດຢາເສບຕິດ ຈະເຮັດໄຫ້ຄອບຄົວເກີດມີຄວາມວຸ້ນວາຍ, ແຕກແຍກ, ທຳລາຍສຸຂະພາບ ຊີວິດ ແລະ ຊັບສິນໃນຄອບຄົວ, ເສຍກຳລັງແຮງງານ, ເສຍຊື່ສຽງ ຂອງຄອບຄົວ ແລະ ວົງຕະກຸນ ເກີດມີຄວາມສ່ຽງຕໍ່ຜູ້ ” ເປັນສາຍພົວພັນທາງຄອບຄົວ ຕໍ່ກັບລູກກາຍເປັນເຕັກກຳພ້າ (ຕໍ່ຄອບຄົວບໍ່ມີຍາດ), ເປັນຄົນເສເພຢູ່ໃນສັງຄົມ ຈະ ກາຍເປັນຜູ້ກໍ່ອາຊາຍະກຳ ແລະ ອື່ນໆ. ຜົນຮ້າຍຕໍ່ສັງຄົມ ຜູ້ຕິດຢາເສບຕິດຈະເຮັດໃຫ້ສັງຄົມເກີດມີອາຊະຍາກຳປະເພດຕ່າງໆ ຕາມມາ, ກໍ່ໃຫ້ເກີດສິ່ງ ຫຍໍ້ທໍ້ໃນສັງຄົມ, ທຳລາຍ ແລະ ມີຜົນສະທ້ອນອັນຕະລາຍ ເຖິງຄວາມສະຫງົບສຸກ ແລະ ຄວາມເປັນລະບຽບຮຽບຮ້ອຍ ຂອງສັງຄົມ, ຕໍ່ກັບປະຊາຊົນ ເຊັນ: ຊາວຫຸ່ມ, ເຍົາວະຊົນ ທີ່ເປັນທຶນຮອນສືບທອດທາງດ້ານຊັບພະຍາກອນມະນຸດ, ອະນາຄົດຂອງປະເທດຊາດ ທັງເປັນສິ່ງກີດຂວາງ, ກົດຫ່ວງທ່ວງດຶງ ການພັດທະນາເສດຖະກິດ-ສັງຄົມ.